Sunday, April 8, 2007

اخر اخبار كوكو الكميل اللي مش كميله

وحشتوني اوي و كوكو زعلان و مش كميل عشان مدخلش العشه و شاف صحابه
معلش يمكن ارجع كمان يومين كده ؛ اصل الكومبيوتر عيان الظاهر الحصبه الألماني
عنده هوديه المستشفي و ارجع تاني ؛ قولت اطمنكوا عشان عارفه انكوا هتقلقوا
************************************************
الحاجه التانيه 00 جالي كومنت سخيف و قليل الأدب و خارج عن الأخلاق بطريقه
فظيعه علي اخر حلقه لكوكو و انا مسحته ؛ و قررت ان اغير اسلوب
الكومنتس و منشرهمش قبل ما اقراهم ؛ لأن انا اتصدمت من اللي كان مكتوب
و اتضايقت اوي ي ؛ و ماكانش ليه اسم 00
************************************
هتوحشوني انشالله مش هتأخر اكتر من يومين انا بكتب من نت كافيه
و انا مش بحب ادخل نت كافيه خالص ؛ و دلوقتي قاعد جنبي واحد من
اللي هما بيتكلموا في المايك مع واحد من البلد و بيكلم ولد العم
مع ان النت كافيه نضيف جدا ؛ بس هو عاملي صداع فظيع
و حاسه اني هقوم اضربه هههههههههههههه
المهم ادعوا للعيان يخف بقي
سلااااااااااااااااااااااااااااااااااااااااااااااااااااااااااااام

11 comments:

Anonymous said...

الابله كوكو

مفيش مانع ابدا انك تغيرى ف الكومنت انما دا حايكون افضل لو مكانش نتيجة ضغط من حد معين اتصرف تصرف غبى ودلوقت اكيد حاسس بالانتصار

حاجة تانيه
هوه لازم كل اللى يدخل يمدح

انا معرفش اللى علق التعليق البايخ قال ايه لكن نحن نتكلم عن الانتقاد بشكل عام

يعنى انا لو قلت دلوقت مثلا انك بتكتبى وحش ودمك يعنى مش خفيف مثلا مش دى حريه تعبير المفروض تشجعيها مادام ليكى حق الرد عليها ف نفس الوقت

مساء الفل ياقمر ولا ماتشغليش بالك واللى عمل كدا اكيد حايروح النار اصلا

مجهول said...

و قبل ما ارد احب اقول ان كان في حد مش كاتب اسمه و كتب كومنت سافل و قذر و قليل الأدب و مش محترم زيه و انا مسحته و ميشرفنيش انه يدخل العشه عندي تاني
>>>>>>>>>>>>>>
قريت الكلام ده في ردك اللي فات
مش عارف مين ممكن يلاقي كلامك وحش
يا ستي الله يسامحه .. سيبك انتي
ربنا يرجعك بالسلامه وترجعي تكتبي تاني
وبأي اسلوب عايزينك تكتبي
سواء كلام كوكو او كلامك العادي انتي عن الافلام و التليفزيون
واللي يهاجمك
انظري خلفك وابتسمي وقولي شكرا عزيزي
تحياتي

SomeOne said...

شكلة اتعدى من جهازي

انا استغربت برده ان عدى يومين من غير ما تنزلي بوست

الحمد لله انك بخير

سلاماتي و احتراماتي

Eric Matt said...


ربنا يرجعك لينا بالسلامة

ادعيلنا معاكي

شكرا ليكي وتحياتي من ماناساس البلد

الله يحفظك يا رب

Anonymous said...

ربنا ينفخ في صورته و يكبر مساحته و يخليه اسرع

yasser_auf said...

تروحي و ترجعي بالسلامة و الف سلامة علي الكمبيوتر من الحصبة الالماني معلش هو دور و ماشي

و كل عام و انتي طيبة بمناسبة شم الفسيخ و اوعي تكتري منة لا يبقي حصبة الماني و تسمم فسيخي

تحياتي

heba said...

ألف سلامة على كمبيوتر كوكو الكميل

ومعلش على قلة الأدب اللي قابلتك يا كوكو .. دول ناس مش كميلة خالص

ويارب تخف وترجع بالسلامة يا كمبيوتر كوكو عشان عايزين نعرف آخر أخبارك

Diyaa' said...

أنتي أكبر من إن الحيوان ده يضايقك
صح ؟!
وألف سلامة للكمبيوتر بتاعك وتيجي بالسلامة
ومش تتضايقي من اللي بيكلم ولد العم
علي الأقل مهتم بحد
سلام عليكم

أميرة البلطجية said...

انا برضه بقول انتي مختفيه ليه؟
انا كمان النت عندي فيها مشكلة
ولا يهمك يا حبيبي
معلش
قصاد ميت واحد كويس حتلاقي واحد قليل الادب
وحسبى الله ونعم الوكيل
ولا يهمك..انت انسانة جميلة..قصصك بقت ادمان حتى لأكبر الناس ومنقشاتك للمواضيع الجارية في البلد مفيدة
ولا يهمك
مستنياكي
وعلى فكرة
انا اخدت ايميل شموسة عشان اكلمها بره البلوج
ابعتيلي ايميلك اللي بتفتحه كتير عشان عايزة اكلمك انتي كمان لو مكنش عندك مشكلة
انتو صراحة اكتر بنوتين صاحبتهم من خلال البلوج وبقيت بعزكم اوي
تحياتي

safa7_karmooz said...

الف بسا على كوكى بتاعك ....

ووديه لدكتور يكون بيفهم ...مش اى حد يعنى

بالنسبة للكومنتس ...انا حصلى نفس الحوار ...وواحد علق بطريقة مش جميلة خالص ...وبفكر انى ااقفل الانومينس ...بس المشكلة فيه ناس كتيرة عارفهم ومش عاملين يوزرز....

بالنسبة للنت كافية ...انا عارف ...اسالينى خبرة 6 سنين سيبرات ..هههههههههه...
انا لما كنت بمسك شيفن بيجيلى شلل من ناس معينة ....

يلا عاتى عاتى

مستنين كوكو ترجع وتنورلنا العشة من تانى ..:)

koukawy said...

ghost..
ابيه جوست صدقني هو لو كان نقد انا كنت تقبلته بصدر رحب بس دي كانت شتيمه سافله جدا ؛ بس انا معرفش ايه سببها ما هو لو كتابتي مش عاجباك عندك حل من اتنين مش هيزعلوني ؛ يا اما تنقدني عادي و في افاده ؛ يا اما تخرج و تحلقلي ؛ منورني يا جوست في كل الأحوال
*********************************
مجهول 00 يا مجهجه هو مالقاش كلامي وحش هو شتمني بدون اي مقدمات ؛ بس انا كان لازم اعمل كده من الأول في الكومنتس
**********************************
شادي فايد 00 اه شكله كده ميرسي علي سؤالك ؛ المهم انت جهازك خف و لا لأ
********************************
the groom ..
ربنا يخليك انت يا رب و تحياتي لكل مانساس البلد
********************************
يعقوب 00 هههههههههه
ندعيلك في زنقتك يا رب
*********************************
ياسر عوف 00 ربنا يستر يا ياسر من الفسيخ و قرايبه
********************************
شمس 00 ربنا يخليكي ليا يا شموسه يا كميله انتي
**********************************
ضياء 00 انا كل اللي ضايقني ان في سفاله لدرجة انه يشتم بدون اي مبرر
علي العموم انا خلاص مش متضايقه
و ربنا يخليك يا ضياء
***********************************
بلطجيه 00 اول ما يخف انشالله هبعتهولك علي العموم يا رب يخف بسرعه بقي ادعيلي
***********************************
سفاح كرموز 00 انا فكرت نفس التفكي بس نفس الموضوع حاصل معايا
المهم ربنا يسهل بقي
ده انا باعاني معاناه و المهم اني مش في اي نت كافيه ده مستوي عشان يبقي محترم و مفيش شتايم و حاجات كده بس تقريبا هو دخل غلط بس اهو النهاره مش موجود الحمدلله
نورت يا سفحفح