Friday, April 6, 2007

كوكو و هدية يوم الكوكوهات اليتيمين 00

الحلقه اللي فاتت 00
كوكو قعد يستني انكل ابو مكاوك يجيب الألبوم
الحلقه دي 00
رجع انكل ابو مكاوك شايل البوم في ايده و حطه قدام كوكو اللي متابع
حركة انكل ابو مكاوك اللي بعد ما حط الألبوم علي الطرابيزه راح
بضهره العجوز المحني و فتح درج المكتبه و طلع النضاره بتاعته
من الجراب و حطها علي وشه و لف و قال 00 اهو الألبوم
ده يا كوكو فيه الصور اللي انت اتصورتها مع ام مكاوك و معايا
في الأجازات و المناسبات 00 و كان قعد انكل ابو مكاوك علي الكرسي
جنب كوكو و سحب الألبوم و فتحه و قرب كوكو بمنقاره و عينيه الكميلين
عشان يشوف كويس 00 و قال انكل ابو مكاوك 00
الصوره دي كنا في الأهرامات في يوم عيد ميلادك ؛ و هنا كنا في عيد
طفولة الكوكوهات في حفلة مدرستك ؛ و هنا كنت انت عامل مسرحيه في مسابقة
النادي لمسرحيات الكوكوهات 00 و فضل كوكو يتفرج علي الصور بشوق
جامد ؛ و كمل ابو مكاوك كلامه و قال 00 دي حتي اخدت علي خاطرها
و زعلت اوي لما انت قفلت علي نفسك يوم عيد مامة الكوكوهات و ماجتش
زرتها ؛ طب انت عارف يا كوكو انها كانت محضرالك مفاجأه تديهالك يوم الجمعه
بمناسبة عيد الكوكوهات اليتيمين كانت شاريالك الكوكوبايل اللي انت كنت عايزه
و كانت هتخدك و تخرجوا و تقدوا اليوم بره ؛ بعد كل اللي حكتهولك ده يا كوكو عرفت قد ايه
ام مكاوك كانت بتعاملك علي انك ابنها و بتحبك زي مكاوك و اكتر 00
***************************************************
كوكو الكميل في شقته بيلف حوالين نفسه و بيفكر كامد ايه الحل
و ابتدي يسترجع في دماغه مشاهد كتير لأم مكاوك لما كانت تيجي و مامته بتنضف و تقعد هي
تأكله في منقاره ؛ و لما كان يبقي عيان و تقعد جنبه تشربه الشوربه لحد مامته ماترجع من الشغل ؛
و ندم كوكو و زعل من نفسه و قال انه مش كميل عشان هو معيدش عليها في عيد مامة الكوكوهات
و طلع الكوكوبايل اللي هي اشترتهوله و ابو مكاوكطلعه و ايداهوله و قعد يبص علي الموبايل
و يقول 00 يا حبيبتي يا ماماتي ام مكاوك انا اسف بس كوكو الكميل هيعمل كل اللي في وسعه
انه ينقذك و دي هتكون هديتي ليكي في عيد الكوكوهات اليتيمين اني ابذل كل كوتي
في انكاذك من الشريرين 00 و فضل كوكو يلف حوالين نفسه مستني ان الشريرين
يتصلوا بيه و فات وقت طويل و محدش كلمه 00 و فجأه نط كوكو الكيل من مكانه
علي صوت بيرن جوه ودنه الكميله 00

لو عايز تشوف ام مكاوك تاني دور عليها في الحاجات اللي عندك

لو عايز تشوف ام مكاوك تاني دور عليها في الحاجات اللي عندك

لو عايز تشوف ام مكاوك تاني دور عليها في الحاجات اللي عندك
كاكان

سؤال الحلقه 00

ياللا شمروا كمامكم و جاوبوا 00
يا تري كوكو هيلاقي ايه جوه الحاجات و في انهي حته؟؟؟؟؟؟؟؟؟


12 comments:

يعقــــوب .... said...

يا بنتي حرام عليكي انا بقيت انام واحلم بالكوكوهات ده...طب مش ممكن تعمليلنا كام حلقة مجمعة كده هدية عشان نستمتع اكتر وقت.....انا كده بستنى الحلقات ده مع لوست يوم السبت و بريزون بريك يوم التلات شدي حيلك معانا

أميرة البلطجية said...

شوفتي بقي..انا في البوست بتاعت "فين" كنت بدور على ام مكاوك
وهي غالبا حتلاقيها بتكلم نفسها في اوضة الغسيل
!!

مجهول said...

صباحك جنان يا كوكو
ايه يا بنتي مش بقولك ابله فضيله بجد
انتي خريجه ايه ؟مش حكوكو لا اكيد اعلام
ما انتي يا اما اعلاميه يا اما بتعرفي توصلي لقلب اللي بيقرالك اوي اوي
علي رأي يعقوب
بعد ما خلاص شبت بقيت بسمع حكاوي كوكو وببقا مبسوط اوي
هههههههههه

heba said...

ايه التشويق ده بقى مش معقول كده كل حلقة تقف عند حتة مهمة يا كوكو وبعدين هيكونوا مخبيين ام مكاوك فين يعني ؟ جوه العشة ؟

-_- said...

والله كوكو كميل بجد

هيلاقوا ايه ؟؟

فيييييييل ؟؟

Diyaa' said...

:))

heba said...

على فكرة يا كوكو يا كميل ممكن تلاقي أم مكاوك عندك في علبة حلويات المولد .. يعني مش ام مكاوك شخصياً .. حاجة تدل على مكانها يعني او مين اللي خاطفينها .. انا بقول جايز

يا قلبي يا غريب said...

السلام عليكم
انا مش عارف اعيش من غير ما اقرء كوكو الكميل الدنيا من غير كوكو الكميل مش كميله
ربنا يكرمك

koukawy said...

انا برد علي الكومنتس من نت كافيه 00
و قبل ما ارد احب اقول ان كان في حد مش كاتب اسمه و كتب كومنت سافل و قذر و قليل الأدب و مش محترم زيه و انا مسحته و ميشرفنيش انه يدخل العشه عندي تاني 00 بس ابدأ ارد علي الكميلين 00
**********************************
يعقوب 00 هههههههه اصل انا بقصر الحلقه و اكتر الاعلانات عشان الم فلوس اكتر ههههههههه00 كوكو مبسوط انه بيطلع في احلامك
*********************************
البلطجيه 00 اوعي تكوني انتي اللي خطفتيها؟
********************************** مجهول 00 بلا فخر دي اقل حاجه
هههههههههههههههه
ربنا خليك يا مجهجه ده انت بس عشان بتقري كويس
******************************
شمس 00 مش هقولك و هحيرك
ههههههههههههه
*******************************
شارم 00 فييييييييييييل
ده يفعص كوكو لو داس فوقيه
*******************************
ضياء 00 مش فاهمه طيب دي ضحكه صافره و لا ايه مجامله يعني ؟؟؟؟
********************************
يا قلبي يا غريب 00 ربنا يخليك و انت العشه من غيرك برضو مش كميله
و يكرمك انت كمان

Diyaa' said...

لأ والله ضحكة من القلب
تصدقي كده أزعل :(
عموماً مقدر نرفزتك بسبب التعليق اللي مشفتوش
وأكيد أنا عمري ما هضحك ضحكة صفرا ليكي :)

koukawy said...

ضياء 00 انا ردي كان ناشف من غير قصدي عموما انا عارفه انك مش بتضحك ضحكه صافره انا كان قصدي المداعبه لا اكثر سوري لو كانت ناشفه
هههههههههههههههههههه

Anonymous said...

hii koko
ana kman elcomputer beta3e baiz we elhard et7ar2 we za3lana moot
bas mafesh moshkela rabena y2awemo beslama