Saturday, June 2, 2007

امريكا يا ويكا


كتاب امريكا يا ويكا للكاتب الساخر اوي اللي بحبه اوي
و نفسي اكتسب نفس قدرته علي التصوير الدقيق في الكتابه
محمود السعدني ربنا يشفيه و يقاومهولنا بالسلامه ؛
هو كتاب مليان معلومات عن امريكا من كل الجهات
سواء التاريخيه من ايام مدابح الهنود الحمر ؛
و السنين اللي بعد دخول البيض او الأمريكان و ابادة العرق الأحمر
او الهنود الحمر ؛ اول فصلين او تلاته في الكتاب جوله تاريخيه
سريعه انما مفصله عن حقايق كتير يمكن محدش يعرفها ؛
و بقية الكتاب هو تحليل للمجتمع الأمريكاني بكل عناصره
من رجاله و ستات و شغل و تجاره و صناعه و كل اللي يجي علي بالك
و التحليل ده ممزوج بتجربة الأستاذ السعدني الشخصيه من خلال الاندماج
مع المجتمع الأمريكي 00
بس اكتر ما عجبني في الكتاب 00انه رغم انه قائم علي تجربه شخصيه
انما حسيت انه في قدر كبير من الموضوعيه في طرح النقط اللي
متكلم عنها و ده لوحده حرفنه في الكتابه ميقدرش عليها الا الأستاذ الجامد
و ده رأي طبعا 00
اماكن البيع 00
مدبولي
روزاليوسف
هيئه العامه للكتاب
الطبعه 00
الأخبار للنشر
السعر 00
5 جنيه
سلاممممممممممممممممم

15 comments:

أحمد عيسي said...

السلام عليكم
اولا انا من اشد المعجبين بكتابات محمود السعدني
وكنت قريت زماااان مجموعة الولد الشقي كلها
ومن فترة قريت كتاب امريكا ياوريكا وعجبني جدا
واكتر ماعجبني فيه المقدمة
تحياتي اختار موفق جدا لكتاب جامد جدا وكاتب من اجمد الكتاب الساخرين
تحياتي

semsem said...

هشتريه
بس بعد الامتحانات

Diyaa' said...

جيت أرد السلام ..مرهق شوية معلش
وذهنياً أكتر والباقي كلها حاجات بتروح وتيجي
بس بجد متشكر أوي لسؤالك
وربنا ما يحرمنا منه
نيجي للكتاب ...محمود السعدني ولد مصري شقي...ده ملخص كتاباته ..وربنا يقومهولنا بالسلامة وده ابتلاء أتمني يخرج منه أقوي
والكتاب فاكر إني قريت جزء منه مرة مع حد في الجامعة من 4 سنين كده
بس أكيد لو جات فرصة مش هفوتها
سلام عليكم

بعقـوب said...

ندور عليه هنا

مجهول said...

كوكي
ههههههههههههههههه
انا جيت
بعد بتاع يوم اديني رجعت
طبعا العشة مضلمه منغيري
اكيد
وكوكو زعلان كعادته وعايز يقتلني
حقه برضه
بس رغم ان اخر مره قلت مش حغيب رحت غبت تاني
تعملي ايه بقا ظروف
وانتي بقا بتكتبي عن عم السعدني
ياسلام
كاتب كبير فعلا في وقت اصبحت الكتابات الساخرة عباره عن قله ادب واستهزاء وليست كما كان نهجه هدف وفكر
اطال الله عمره

تحياتي وانشاء الله مش حختفي تاني
انا علي فكرة افتقدت حد كان بيجيلي المدونه كل مده ويوقلي انته فين ؟

bastokka طهقانة said...

سكت ابني الصغير و قعدت اقوله اية يا ولد الصوت ده يقولي مفيش يا ماما
اقوله اية اللي بتلعب بيه و عامل الصوت ده
يقولي مش انا مش عندي
و ادور تحت الكنبة و افتش طهقان و اخرتها اكتشف ان اللي بيصوصو ده ملف حاطة في مدونتك
حتروح فين من ربنا


اوروفوار

islam yousef said...

و الله الف مبروك
انتى اشتغلتى فى الدعاية
طب و اللى فى البرارى
قصدى اللى فى القاليم يجيبوة ازاى
انا عندى له قهوة كتكوت

Mohamed A. Ghaffar said...

لو قلت ما فى نفسى تجاه هذا الرجل لحوكمت

ياسر سليم said...

السلام عليكم

انا دخلت عشان اسلم على كوكو الكميل


بس


سلام

koukawy said...

احمد عيسي 00 انا لسه مكملتش مجموعة الولد الشقي
*******************************
سمسم 00 ماشي
****************************
ضياء 00
سلمتك من الارهاق
و يا ريت فعلا تقراه
****************************
يعقوب 00 لازم تدور
*******************************
مجهجه 00 صدقني كنت بدخل كتير ابص لو انت كتبت جديد و لا لأ بس انا كمان مشغوله اوي و مبقتش اتفسح في العشش كتير
*********************************
طهقانه 00 يعني قصدك ان كوكو وحش و لا حاجه
و صوته مزعج
ههههههههههه
*********************************
اسلام يوسف 00 لو في ايدي كنت بعتهولك لحد البراري عندك
********************************
محمد عبد الغفار 00 مفهتمش
*********************************
ياسؤ سليم 00 ميرسي كوكو اتبسط اوي

أميرة البلطجية said...

امممممم...شكله كميل الكتاب ده
ميرسي يا كوكي ع الريفيو

كراكيب عادل said...

اما ارجع مصر

اشترية

:)

أحمد مختار عاشور said...

انا معجب جدا بمحمود السعدنى
ده كاتب ساخر كبير طبعا مفيش نقاش
بس انتى ازاى صحيح معجبة بيه يا كوكو و انتى مدونتك نظيفة
رغم ان السعدنى مكنش بيستخدم الفاظ نظيفة فى الكتابة احيانا
:)
........
تحياتى و تقديرى

koukawy said...

بلطجيه 00 عينين كوكو الكميله ليكي
******************************
كراكيب 00 ترجع بالسلامه
****************************
احمد مختار عاشور 00
ما هو انا اعجبت بكتاب تاكسي رغم اني اعترضت علي بعض الألفاظ
نفس الحكايه الفاظ السعدني الخارجه
نادره و مش جارحه اوي و لو فيه بعديها بس مقابل ده هو استاذ
بس انت مقلتليش انت قريت الكتاب ؟؟؟؟

شباب روش طحن said...

ياه ه ه ه أناالكتاب ده قريته من زمان بس بجد كتاب جميل طبعا مفيش أحسن من محمود السعدني عشان تقري به بس أحسن كتاب ليه هو حمار من الشرق علي الأقل في نظري