Thursday, June 7, 2007

كوكو و انا

الحلقه اللي فاتت 00
كوكو مكنش عارف يدخل من انهي باب
الحلقه دي 00
وقف كوكو الكميل محتار قدام التلت بيبان
الدهب والفضه و الصفيح
و فضل كوكو يتمشي رايح رايح جاي قدام البيبان التلاته و يقف شويه قدام الباب
الدهب اللي كل حاجه فيه دهب من الأكره للحلق و يقول في نفسه 00
مش عارف ليه انا مش مرتاح للباب ده و حاسس انه مش الباب الكميل
و نفس الحكايه عملها مع الباب الفضه
و راح قدام الباب الصفيح ووقف و قال في نفسه 00
هو صحيح الباب شكله مش كميل و حتي صفيحه مطبق و مصدي و فيه نقر
بس حاسس انه هو و قلبي مرتاحله و بعدين فاكره يا ذاكرتي يا كميله
لما قرينا في كتاب حكمه بتقول ان احكم الناس متواضعين ؛
يا رب ساعدني يا رب و يكون اختياري صح 00
و لسه كوكو بيمد كناحه علي اوكرة الباب الصفيح المعوجه لقا الباب فتح لوحده
و سمع صوت راجل عجوز اوي فكره بصوت الممثل القدير كوكو البارودي
و حتي بيتكلم زيه 00 كوكو الكميل يا ابني مبروك عليك اختيارك
الباب المظبوط طلعت فعلا نبيه زي ما انا كنت متوقع و زي ما كيرو الله يرحمه
حكالي عنك 00 و في الوقت ده كان ظهر ورا الباب الصفيح
اوضه بسيطه خالص مفيهاش حاجه الا كتب من كل حته
و طرابيزه عليها كوكويوتر و كرسي بيلف كان قاعد عليه الحكيم كيروكيم
اللي لف بالكرسي لكوكو و شاورله يدخل ؛ و دخل كوكو ابتدي يكتشف ملامح الحكيم
اكتلر من قرب هو كوكو عجوز اوي و شعره ابيض زي القطن و ليه دقن طويله
واصله لحد بطنه و عنده علي ضهره حمل السنين اللي فاتت كلها و مخليه موطي
و حوالين عينيه خطوط محفوره زي ما يكون فنان تشكيلي نحتها بسن السكينه
و جوه الخطوط دي عنين ليها بريق غير عادي يدل علي ذكاء و طيبه
و حكمه ؛ و بين كناحاته المكرمشه اللي مغطيها الريش الأبيض ماسك
عصايه خشب راسها مدوره تحس ان العصايه دي هي اللي بقياله في الدنيا ؛
و دخل كوكو وقف قدام الحكيم كيروكيم و قاله 00
حضرتك مش عارف يا جدو كيروكيم ان كان نفسي اشوفك ازاي من ساعة
ما قالي كيرو و لو كنت اخترت باب غلط كنت هزعل اوي من نفسي
رد عليه الحكيم 00 كوكو يا ابني ؛ انت ما كنش ممكن تختار غلط لأن انت مثقف و قلبك ابيض
و اي حد قلبه ابيض بيبقا مخه صافي انه يختار صح و في اغلب الأحيان مبيختارش غلط
انت ايه الخدمه اللي انت جايلي فيها ؟؟؟؟
رد كوكو 00 فيه عصابة الخطاف اللي خطفه ام مكاوك و000000000000و كمان
000000000000 و بعدين 00000000000 بس و كيرو قالي انك ممكن
تساعدني اوصل لمكان العصابه
رد الحكيم 00 كوكو يا ابني طريقك صعب و مليان بالأشواك و عايز تحمل و ايمان
بأنك هتنجح اسمعني كويس ؛ انا هديك خريطه تتبعها و الوصفه سهله الوصفه هايله
انا مش عايزك تقلق بس لازم عشان توصل لعصابة الخطاف في عقر دارها
لازم تعدي علي البلد الصفرا و منها للخضرا و اخر الخضرا تلاقي توهان
و بعديه تلاقي المراد ؛ حط كلامي حلقه في ودنك ؛ و خد الكيس ده في خمس زلطات
اي خطر يقبلك ترمي عليه زلطه من دول علي طول و في الحال تتحول لرمال
بس خد بالك ان لو رجلك خطت الأرض الحمرا من ساعة متخرج من هنا هتكون النهايه
لأن الأرض ولعه نار و الحال بقي اسواء من اي حال ؛ حط كلامي حلقه في ودنك
و حط الخريطه دليل في كناحك لحد متوصل لمرادك بأذن الرحمااااااااااااان
************************************************
كوكو واقف علي باب المغاره بيراجع في دماغه تاني الكلام اللي نصحه بيه الحكيم كيروكيم
و بيسخن دراعاته لرحله شاقه لحد ما يخرج من المدينه الحمرا و يوصل علي ابواب
المدينه الصفرا اللي هيشعر فيها بالأمان 00
و طار كوكو الكميل و فضل طاير و حاسس بالأرض الحمرا من تحتيه بتطلع صهد
و سخونه من كتر القتل و العنف و المعارك و المطاحن و المجازر اللي لا ليها اول و لا اخر
و كان نفسه انهم ما يلوثوش نقاء السما الصافيه اللي كوكو بيلاقي نفسه
و راحته و كماله فيها انما طبعا كان امله بعيد و حلمه زي حلم الأعمي بنظر
سته علي سته بالظبط 00 و فضل كوكو طاير و حتي مش قادر يريح علي شجره
من الخوف و الجرايم اللي هو شافها 00 و ضلمت الدنيا علي كوكو و نورت 3 مرات
واخيرا بعد اربع ايام طيران حس كوكو بأن لون الجو حواليه ابتدي يتغير و ان
حمار الدنيا اتحول للون مصفر و اوضح في الرؤيه و فهم كوكو انه علي حدود المدينه الصفرا
و مد كوكو كناحه و طلع العدسه المكبره عشان يبتدي يدور علي باب المدينه
و بعد شوية تدقيق لمح كوكو باب كبير من فوق و عرف ان اكيد هو ده باب المدينه الصفرا
و ابتدي كوكو ياخد وضع النزول علي الأرض بس بدأ كوكو يحس انه كل مايقرب للأرض انه تعبان
و فهم كوكو ان ده تفسيره هو فرحته بأنه هيقعد يريح شويه و يريح كناحاته اللي
حاسس ان عضلاتها وقفت من كتر الطيران 00
ووصل كوكو علي الأرض قدام باب المدينه اللي لقا مكتوب علي بابها بالبنط العريض
اهلا بيا في مدينة انا

و استغرب كوكو الكميل اوي من اسم المدينه بس قال في نفسه الجو و لونه
و ريحته تدل علي الهدوء و اهو الواحد مش ناقص يشوف حاجات مش كميله
و قعد كوكو ريح شويه علي باب المدينه و طلع الزاد و الزواد بتاع الرحله
و بعد ششويه قام شد الرحال عشان يكمل رحلته 00
كاكان
*********************************************
مبروك لكل اللي كسبه المره اللي فاتت
و كانت ايجابتهم 00 الباب الصفيح
و الفايزين هما 00
اسراء
سمسم
مصراوي اوي
كراكيب عادل
احب الصراحه و اكره القباحه


16 comments:

М€ŝЋМΣŞĦ said...

ايه ده .. دا انا فاتني كتير قوي

اخر حاجه وصلتلها ان كوكو كان في المستشفي بعد علقه محترمه .. مش كنتي تستنيني شويه , كده انا قدامي مشوار كبير علي ما اعرف ايه اللي حصل


بس بصراحه الموضوع دخل في الجد .. ولازم بقي الواحد يركز في مغامرات كوكو الكميل

كلام لوجيك said...

مساء كميل
انا جيت اسلم على كوكو بس

ياسر سليم said...

السلام عليكم

جيت اسلم على كوكو الكميل تانى

وللأسف مالقتش نفسى من الفايزين .. !

اعمل ايه عشان افوز :D

KOKKO said...

يا مساء الكمال
كان لازم اسلم على كوكو لانه على اسمى
الموضوع حلو قوى
مش تتاخر علينا ياكوكو
سلاااااااااااام

كراكيب عادل said...

انا اتاخرت كنت ببدل جهازي باحدث

بس انا فرحت اني لقيت اسمي في اليافطة الي متعلقة علي باب المدونة

مع الناس الي فازوا تسلم يا كوكو يا كميل

تعرفي حسيت بكوكو وهو طاير فوق المدينة الحمرا دي

بحب السيما said...

شكل فاتنى كتير

Desert cat said...

انا كمان مش من الفايزين
واسمى مش متعلق
يلا بقا انا اصلا عمرى ما فزت
بس لا ياس مع الحياة

يعقــــوب .... said...

هاها فعلا كوكو البارودي ده كان جامد جدا.....تفاصيلك تحفة ...وياريت نشوف الحلقة الجاية كوكو المليجي و معاهم كوكو القصري وكوكوهاية صدقي
:)

Desert cat said...

بسلم عليك
يمكن فى مرة افوووووووووز

مجهول said...

كوكو الكميل
اشكرك عزيزتي للسؤال عليا وانا مش مختفي بس مفضل الصمت شوية
انا اطالب بوضع جوائز مادية للناس اللي بتفوز دي
ولا هيا كده والسلام
لاااااااااا الناس بيتعبوا ولازم يبقا فيه مقابل ولا ايه؟
انتي حتاكلي علي الناس حكوكوا ولا ايه
واكرر حاولي مع اي حد بيرسم كوميكس قصص مصورة او عنده موهبة رسم كارتوني بسيط
ان يرسم وانتي تكتبي حيبقا بجد مشروع جميل
تحياتي يا كوكو العزيز

koukawy said...

مشمش 00
ياه انت من زمان اوي ارجع بتاع خمستاشر حلقه
و كتغبش بقي و ركز عشان نشوف اسمك في الفايزين
********************************
كلام لوجيك 00 بقالك كتير مسلمتش
بس تسلم من غير متقول رأيك كده ؟
*******************************
ياسر سليم 00
تعالي كتير و انت اكيد هتفوز في وقت من الأوقات
*********************************
كوككو 00
لأ مش هتأخر
و بعدين انت اسمك اللي علي اسمي مش انا اللي اسمي علي اسمك
هههههههههههههه
******************************
كراكيب عادل 00
مبروك الكمبيتر الجديد
مبروك يا سيدي الفوز
*****************************
بحب السيما 00
كتييييييييييييير اوي
*****************************
desert cat ..
انا نفسي كلكوا تفوزوا
**************************
يعقوب 00 متقلقش اكيد هنلقيلهم دور
ههههههههههه
****************************
مجهول 00
الجايزه الماديه لو انت اللي هتدفع معنديش مانع
هههههههههه
الرسومات انا نفسي فعلا بس عارف في حاجه هعملها قدام شويه و بعدين ابتدي اشوف حد يرسم
بس غالبا هخليه ياسر بتالع كارتونيا لو يرضي لأن رسوماته كميله اوي

أميرة البلطجية said...

يا خسارة انا مفزتش
:(

يا مراكبي said...

أنا شاكك في نتيجة المسابقة اللي فاتت

إنتي متأكدة إنه الصفيح؟

سمسم said...

كوكو
....
طب الحمد لله حظي ضارب عندك في العلالي

شكراً ليا علي حكمتي وذكائي

وشكراً لك علي حكياتك الجميلة

تحياتي

ويجعلوبالعيش المبلول عااااااااامر

شباب روش طحن said...

طب إيه رأيك تحول شخصية كوكو دي لمسلسل كرتون يعني أظن حايبقي حاجة كويسة خاصة لو كنت راسم صورة للشخصية دي أنا حاسس إن أنت موهوب في الموضوع ده

М€ŝЋМΣŞĦ said...

طب مش تشرحيلي الاول النظام بتاع المسابقه ماشي ازاي ؟
وفين السؤال ؟
انا مشوفتش اسئله في القصه بتاعه المره دي