الحلقه اللي فاتت00
كوكو ركب الكوكوبيس ورا الكوكوهايه الأموره
حلقة النهارده00
كوكو الكميل واقف جنب الكوكوهايه في الكوكوبيس و بيفكر مع نفسه00
و فجأه لقا واحد و صاحبه بيزنق عشان يقف جنبه فوسع له كوكو
وو قفه جنبه 00و رمي كوكو ودنه الكميله معاهم لقاهم بيتكلموا
عن الكوكوهايه و بيقولوا00شايف يا عم الكوكوهايات قمر و الله قمر
اهيه دي الكوكوهايات و الا فلا00و يرد عليه صاحبه00
يا ما نفسي يكون عندي صاحبه كوكوهايه جامده كده
و كانت كوكوهايه طلعت كتاب و قاعده تقرا00
و كوكو عمال يمسك نفسه عشان ميتخانقش
مع جوز الغربان اللي واقفين جنبه00و فضل كوكو ساكت
و يسمع و هو دمه الكميل بيغلي00لغاية ما لقا واحد من الاتنين
بيمد جناحه و عايز يلمس ريش الكوكوهايه00و هنا راح كوكو الكميل
مزعق00ايه ده انتوا مش كويسين قاعدين من بدري تعكسوها
و انا ساكت و انتوا مش بتحترموا نفسكوا 00ايه مفيش
احترام لكوكو اللي واقف 00و رد عليه واحد من الاتنين00
ايه يا عم الحلو حد كلمك00فرد عليه كوكو لأ بس كلمت اختي
و عمال تعكسها 00و كانت كوكوهايه في الوقت ده بتراقب الموقف
و بتحاول تهدّي الكوكو الكميل لحسن الوحشين يضربوه00و اخيرا
جت المحطه اللي كوكوهايه نازله فيها فراحت كوكوهايه شدّه كوكو
من طرف كناحه الكميل و قالت له ياالله احنا نازلين هنا00و مخدش
كوكو باله ان الملايه و قعت منه في الخناقه00و بص كوكو للغربان الوحشين
و قال لهم00عيب افرض مامتك او اختك راكبين الكوكوبيس ترضي
ان حد يعاكسهم و علي فكره المحطه هيا اللي انقذتكوا من عضلات الكوكو
الكميله 00و رد عليه واحد منهم00يا عم روح كده و انت اقرع
و معندكش ريش00و بص كوكو علي نفسه لقاه من غير ملايه
بس مالحقش ياخد الملايه من علي الأرض عشان كان
لازم ينزل ورا كوكوهايه00و قال في نفسه مش مهم
اكيد بعد كده هيطلعلي ريش و هتشوفني و انا امور00
و نزل كوكو الكميل ورا كوكوهايه00و مشي الكوكوبيس
و بصت كوكوهايه لكوكو الكميل و قالت له00ميرسي يا كوكو
انت حقيقي شهم و دافعت عني انا مش عارفه من غير شهامتك كنت
هعمل ايه بس00و بص كوكو في الأرض و خدودو الكميله احمرت
و قالت له كوكوهايه00انت بتفكرني بواحد اسمه كوكو الكميل كان
شهم زيّك كده و كان معانا في الجامعه بس هو كان ريشه
كميل و منفوش و بيلمع ؛ انا اسفه مقصدش اجرحك00
و كوكو جوا نفسه بيقول 00طب انا طبعا لو قولتلها اني انا
كوكو الكميل مش هتصدق و هتقوللي ايش
جابك انت لكوكو الكميل يا اقرع
و فاق كوكو من افكاره و كوكوهايه بتقول له00
يا سلام يا ما نفسي اشوف كوكو الكميل ده تاني بس فين00
ايه رأيك يا استاذ كوكو تتمشي معايا لحد البيت و بالمره
اجيبلك ملايه تانيه غير اللي ضاعت من البيت00و مشي كوكو الكميل
مع كوكوهايه عشان كان نفسه يعرف بيتها فين00
و طول ما هما ماشيين كانت كوكوهايه عماله تحكي عن
كوكو الكميل و ذكريات الجامعه 00و كوكو طول الوقت
بيفكر في طريقه يقول بيها لكوكوهايه انه هو المدعو
كوكو الكميل00بس و هو ماشي حس بحاجه فمد
جناحه الكميل ناحية باطنه و حس بالريشه الجديده
اللي طلعت و عرف انه هيسمي الريشه دي
الشهامه
كاكان
