Saturday, February 18, 2012

انا اتشليت يا اخونا

عندما يشعر الفرد بالعجز في التصرف يولد العقل الباطن احلام ليها العجب ... و ده اللي حصلي امبارح بليل

قال خير اللهم اجعله خير .. كان حلم زحمه
اشي مظاهرات علي اشي اخوان علي برادعي علي حمزاوي علي هتافات علي قتل علي اعتقالات و تعذيب علي عسكر مش حاميها و حراميها و كله ملخبط علي بعضه متعرفش تمسكله بدايه من وسط انما كان ليه نهايه
مع كل الحاجات اللي حواليا دي وصلت بيا الحاله الي تشنج و رعشه و شلل تام ووقعت في الأرض و بقي مفتوح علي اّخره لا بيقفل و لا بيتحرك و لا بيطلع صوت مفيش غير عينيا اللي بتتحرك و شايفه كل اللي بيحصل و عجزه و مشلوله و مش قادره اعمل حاجه .. جوايا احساس باني نفسي اصرخ و اقول ايه اللي بتهببوه ده و مش قادره و احساس بألم فظيع في كل حته في جسمي

الي ان صحيت من الحلم ... اللي كان حقيقي بشكل فظيع علي صوت جرس الباب
صحيت جسمي مكسر و بصداع شديد و كأن حد حاططني في الرحايه و لافف علي يجي خمسين لفه كده

عندي شعور بالحزن و العجز و الترقب و المصيبه ان مفيش في ايدي حاجه غير اني اتعاطف و اهتف احيانا و اتعصب و اتخانق
و خايفه افقد الأمل اللي عايشه عليه انا و ناس كتير
ان نبقي بلد و شعب محترم ذو كرامه و يغور عن وشنا كل ظالم و مستبد و حرامي

و في النهايه
يسقط يسقط حكم العسكر

3 comments:

Anonymous said...

HI please add me in faceBook "Mena Sam" network Linkdotlink
blanksocrate :) miss u koko

Blank-Socrate said...

Hello it's me
Mena :)
hope to see you in facebook bye

يا مراكبي said...

عنوان البوست يخوف، لكن حقيقي كتير لما بتيجي للواحد كوابيس كده من النوع ده، بيقوم الواحد مُرهَق بدنياً، واحساس الشلل ده ممكن يكون طبيعي، حتى لو انتي قصدك بيه معنى مجازي

ربنا يصلح لنا وللبلد الأحوال يا رب