Friday, July 6, 2007

corpse bride


فيلم جرافيكس هايل و فريد من نوعه سواء في الرسومات او في الفكره
مدة الفيلم ساعه و ربع متحسش بيهم من كتر ما الفيلم يشد ؛
فيلم مليان بالشخصيات و الأنماط الغريبه زي شخصية العنكبوت و الدوده
طبعا اللي هيتفرج هيفهم قصدي ؛ هو فيلم انتاج 2005
و المبهر في الفيلم هو خيال المؤلف و الفكره اللي كاتبها ؛
ده طبعا بالاضافه للموسيقي التصويريه اللي بتتسم بالبساطه و الروعه و التأثير
و كمان برع الممثلين بأداء اصوات الشخصيات ؛ و المضحك انكوا لو شفتوا
الشخصيات الجرافيك هتلاقوا فيهم شبه كبير من الممثلين اللي عملين صوتهم ؛
شخصيات الفيلم الرئيسيه 3 ؛ و الشخصيات الثانويه كتير بس تحس ان الفيلم من غيرهم
مينفعش عاملين جو بالبلدي كده ؛ ده غير بقي زي ما قولت في الأول ان رسم الشخصيات
جديد يعني الرسومات او الخطوط اللي مكونه الرسومات غريبه مشفتهاش بالشكل ده قبل كده ؛
اللي احب تعرفوه كمان ..
اللي قام بصوت شخصية
او الشخصيه الرئيسيه هو ممثل انا مش بحبه اوي بس هو عامل الصوت حلو في الفيلم هو الممثل victor
؛ و حصل الفيلم علي اربع جوائز في اخراج الجرافيكس خلال 2005 و 2006 jhonny deep
في الاّخر احب اشجعكوا تتفرجوا علي الفيلم .. و ارجع و اقول انه فيلم غريييييييييييييييييييييب
اوي
سلااام

12 comments:

بيتنا القديم said...

كوكو
.....
شوفتو شوفتو

رااااااااااااااااائع

للعلم

هذا الفيلم ليس الاول في فكرته

سلام

shabfa2re said...

بصراحة ناس مبدعين فى كل حاجة
عقبالنا

مجهول said...

جميل جدا يا كوكي
الفيلم ده رائع
علي فكرة انا من هواه افلام الانيميشن
مش علشان لا سمح الله بتاع افلام كرتون وعيل صغير وطفل والكلام ده
الكلام ده بقا هوه المشكلة عندنا
لان مفهومنا عن الحاجات دي مرحلة وبتعدي
بره افلام الانيميشن تعتبر من انجح واقوي مجالات الافلام
علشان كده تلاقي الفيلم اعلي درجات الاتقان
في الشخصيات والاسماء الكبيرة التي تقوم بالاداء الصوتي وتكلفة انتاج عاليه شغل الجرافيك والذي منه
لكن المحصلة ان الافلام دي بتعمل نجاحات غير عادية علي مستوي العالم والدليل علي كده فيلم زي
sherk
اللي ظل يحتفظ بجاذبيته جزء بعد جزء لغايه دلوقتي
........
افلام تانيه اختلط فيها الجرافيك والانيميشن بالواقع
زي مملكة الخواتم
وشوفي بقا ده عمل بأجزاؤه التلاته ايه
........
اشكرك فعلا علي عرضك الجميل ده
خدي هنا
انتي خريجة ايه بالظبط
معهد سينما ولا حكوكو ولا ايه
.......
فرحان برضه انك معانا في اللعبه كسبنا اديبة وحكّاية كبيرة وطرحت علي اميرة شويه اقتراحات ياريت تفكر فيها
.....
يالا سلام

يعقــــوب .... said...

مبتحبيش
Jhonny deep
ليه بس... ده يعتبر من المبدعين الجداد

koukawy said...

سمسم .. تقصد يا ابو السماسم ليس الأول في فكرته في الرسم و لا في السيناريو و القصه؟؟
***************************************
شاب فقري .. يا رب يا فقري
***********************************
مجهول ..كومنتك الكميل الطويل ده
يغفرلك غيابك
انا اللي يشرفني يا استاذ مجهجه
ان انا اكتب مع حضرتك في لعبه واحده
اما بالنسبه للحكوكو و ممعد سينما
ده سر بيني و بين كوكو الكميل
**********************************
يعقوب .. مش عارفه ملهوش معايا قبول
رغم انه ممثل كويس طبعا بس مش عارفه هي كيميا
قولي صحيح انت خاصمت كوكو الكميل و لا ايه ليه مبقتش متابع القصه
يا تري بتعرف تشتغل و لا ايه ؟؟؟؟

أميرة البلطجية said...

نوك نوك نوك
ممكن ادخل؟

Diyaa' said...

في يوم من الأيام لو ليا عمر..نويت أتفرج علي الأفلام ..هقوم داخل مدونتك بعد عمر طويل كده وأخد جزء من مكتبة الأفلام اللي شفتيها..وبما إنه غريب ففضولي مش هيسيبه إلا لما أشوفه
بتمنالك صيف جميل
سلام عليكم

يعقــــوب .... said...

انا مقدرش اخاصم كوكو الجميل و إلا زاي مانتي عارفة يفصلوني من الشغل لعدم الكفاءة..بس كل الحكاية اني مبلقيش تعليق اكتبه فبسكت احسن

شباب روش طحن said...

من كام يوم شفت فيلم من نفس النوع تقريبا لكنه كان غريب لأول وله كنت فاكره فيلم عادي وبعدين إكتشفت أنه جرافيكس وبعدين إكتشفت أنه نصه كده ونصه كده بس كان فيلم رائع

قضية عم أحمد Ahmed Case said...

فيلم أكثر من رائع بيفكرني ببكار أوي :)

على فكرة البلوج بتاعك جميل جدا أحيييك عليه أوي أوي أوي

koukawy said...

بلطجيه .. في صاحب عشه يسأل برضو ممكن ادخل .. هو انتي مش معاك المفتاح و لا ايه ؟؟؟؟؟؟؟
*********************************
ضياء .. يا رب يكون الكلام ده قريب
************************************
يعقوب ... طب طمنتني
***********************************
شباب .. طب كان اسمه ايه ؟؟
**********************************
احمد رفعت .. اه مش كده نفس التقنيه اللي في بكار
هههههههههه
ميرسي علي ذوقك و نورت العشه

اسكندراني اوي said...

للاسف انا مش كمييييل خالص في موضوع الافلام ده