Friday, July 13, 2007

notes on a scandal

مباراه تمثيليه شديدة الوطيس .. زي ما بيقولوا .. بين اتنين ممثلات جامدين اوي
حقيقي الفيلم اكتر حاجه فيه عجبتني هما الممثلات ؛ طبعا الفكره حلوه و نجح السيناريست
في رسم نفسيات الشخصيات ؛ و رسم المواقف المختلفه بين الشخصييتين ؛
و المخرج هايل برضو ؛ بس احتمال لو ان الفيلم مفيهوش الممثلات دول كان يبقي فيلم عادي
لأن في ما بين الممثلات اللي بيسموه الكيميا .. تحس انهم بيسلموا و يستلموا من بعض
الأحاسيس و النظرات و الأنفاس بمنتهي البراعه و الحساسيه و الانسيابيه ؛
فكرة الفيلم قائمه علي الوحده و الفراغ وبيعملوا ايه في نفسية البشر ؛ و كمان ان الوحده مش لازم
ان يكون الواحد لوحده لأ ممكن يبقي عنده عيله و اهل و اطفال بس هو وحيد ؛ و ده اللي جمع
ما بين الشخصييتين و هي الوحده علي اختلاف صورها واللي وصلت ليه كل شخصيه منهم ؛
الفيلم جديد من انتاج 2006 و كان مشارك في اّخر دوره لمهرجان الأوسكار
و اترشح لأربع جوايز منها جايزه احسن ممثله للرائعه

judi dench
و جايزة الممثله دور مساعد للممثله الهايله
cate blanchett
و كمان اترشح لجايزة احسن موسيقي تصويريه و جايزة احسن سيناريو
بس للأسف و ده شئ غريب مخدوش و لا جايزه مع ان الممثلات كانوا يستهلوا
بجايزة احسن ممثله مساعده في مهرجان دالاس cate blanchett
و لكن فازت
و تورينتو في نفس سنة الانتاج
فيلم يستحق المشاهده و اللي يحب يتعلم تمثيل يقعد ياخد دروس علي ايدين
جوز المبدعات اللي في الفيلم
يالللا بقي كفايه عليكوا
سلام

8 comments:

Anonymous said...

المسرحي
الفليم حلو اوي
وعلي فكره البلوج بعتك ياكوكو الكميل
حلو اوي اوي
ممكن تبعتلي اميلك
msh_54@hotmail.com

М€ŝЋМΣŞĦ said...

الفيلم ده جديد ؟
اصلي مشغول شويه الايام دي و مش متابع

يا مراكبي said...

كوكو .. إنتي بتشتغلي ناقدة فنية سينيمائية وألا دي هواية؟

أخبار الإستفتاء إيه علشان أعرف أنهي أفلام هي اللي أروحها؟

أميرة البلطجية said...

يا كوكو يا كميل هو م فيه حدوتة الاسبوع ده؟
عااااااااااااااااااااااا
سنيف سنيف
!!
صحيح
انتي ليكي عندي جايزة كميلة
تعالي خديها

ياسر حسين said...

تم رسم صورة كوكو الكميل
وارسالها على الميل الخاص بكم ع الجوجل
وحقوق النشر محفوظة
عند استلام الصورة الرجاء الرد واخباري بالاستلام

خالص تحياتي

Christa said...

yeah ... a film that deserves watching indeed!

the wonderful performance of the actresses was to express the deep complex feelings in that film...

it's very really actually... how people abuse others weaknesses and problems for their own good!

the great scenario included an enjoyable psychological analysis for two complex personalities!!

nice choice!

koukawy said...

المسرحي .. ميرسي و تعالي كتير
بالنسبه للميل هسأل كوكو الكميل و ارد عليك
**************************
مشمش .. اه انا كاتبه انه انتاج 2006
***********************************
يا مراكبي .. بس لغاية دلوقتي الاستفناء مرشح كركر ؛ مرجان احمد مرجان ؛ عمرو و سلمي
**********************************
بلطجيه .. معلش حصل ظروف هنزلها الاسبوع ده انشالله
*******************************
ياسر .. ميرسي
جدا
*********************************
christa .. yes i really liked so much

بحب السيما said...

حابب اوى انك رجعتى تتكلمى عن السينما تانى
الفيلم ماشفتوش للاسف بس حاشوفه وارجع اقولك رايى