Sunday, July 22, 2007

The Incredibles


فيلم ينطبق عليه المثل المعروف .. يموت الزمار و صوابعه بتلعب
و في نفس الوقت المثل التاني اللي بيقول .. مين فات قديمه تاه
و هي دي الفكره اللي بتدور حوالها الفيلم .. و هو بعد هجوم شديد من الناس
و حقد علي الخارقين رغم انهم كانوا بيقدمولهم مساعدات كبيره و بيقوموا بعمليات انقاذ
كتير ؛ و لكن هما كده البني ادمين لما يشوفوا حد ناجح يفضلوا وراه لحد مايدمروه
خلف و طلع نسله في نفس الصفات الخارقه بس كانوا بيحاولوا يداروا عشان المشاكل mr .incredible
و بعد تقاعده من شغلته كخارق اشتغل شغلانه مش حاببها بس فضل علي طول
يحن لشغلته الخارقه اللي هو اصلا اتولد عرفها لأنه لما فات قديمه تاه و فضلت صوابعه تلعب
******************************************
شخصيات الفيلم الأساسيه هي
اللي بيمتاز بقوه خارقه و جسم قوي و متين و رشيق
mr .incredible
مراته و اللي عندها قوه خارقه من نوع تاني و هي المطاطيه جسمها بيمط في كل الاتجاهات elastigirl

بنته الكبيره اللي ليها قوه في الاختفاء و بتقدر تعمل حواليها حقل من الطاقه يحميها من اي هجوم violet

و عنده سرعه خارقه يسبق الصاروخ dash

ابنه البيبي لسه مش معروفله ايه هي قوته الخارقه انما اللي بان عليه انه بيولع نار jack jack

و هو صديق للبطل و عنده القدره علي تجميد اي حاجه قدامه frozone

في شخصيات تانيه برضو في الفيلم لطيفه جدا زي
و هي مصممة ازياء الخارقين و شخصيه تنكه اوي و تعتبر محرك للأحداث eda moda

و اّخر شخصيه هي شخصية الشرير و هو الضد للبطل اللي حدوته في الفيلم لطيفه جدا و غير متوقعه
و هو صاحب قوي خارقه متعدده sydrome

في شئ لطيف استهواني جدا و انا بدور علي صور للفيلم عشان البوستايه و هو الممثل اللي عامل شخصية مدير البطل
في الشغل ؛ و جبتلكوا الصوره اهو صورة الممثل فيها شبه كبير من صورة الشخصيه
في الاّخر احب اقول ان الفيلم من انتاج 2004 و هو قصة و اخراج المخرج
اللي برضو من باكورة اعماله
brad bird
ratatouille 2007فيلم جرافيكس انتاج ديزني هكتبلوكوا عنه قريب انشالله
jack jack attack 2005
عباره عن فيلم قصير تصور
لمكالة تليفون حصلت في الفيلم الأصلي بين الأم الخارقه و المربيه اللي كانت قاعده مع الولد الصغير
فكره عجبتني اوي ؛ انا كنت شفت الفيلم القصير قبل الأصلي و مفهمتش اوي و بعد ما شفت الأصلي
فهمت و لقيتها فكره لطيفه جدا
اخيرا حصل الفيلم علي جايزتين اوسكار في سنة 2005
جايزه احسن مؤثرات صوتيه للأفلام الجرافيكس
و جايزه احسن مخرج للأفلام الجرافيكس
و طبعا حصل علي جوايز في مهرجانات كتير و اترشح لجوايز اكتر
بس مش قادره احكي اكتر من كده باي باي بقي
سلام

7 comments:

shams said...

أنا شفت الفيلم ده يا كوكو وعجبني اوي اوي

ده حتى اخوي حافظ منه كام مقطع كده وبيكلمني بيهم

والصراحة عجبني اوي الترابط القوي اللي مابين الأسرة يعني مهما يتخانقو او مشاكل تحصل تبص تلاقيهم اتكاتفوا واتعاونوا تاني

وكل واحد فيهم قوته بتخدم التاني حتى جاك جاك الصغير

دايماً يا كوكو ذوقك جميل في أفلامك وبتجيب معلومات جميلة

سلملي على كل اللي في العشة

سمسم said...

ايه حكايتك مع الكرتون

طب شفتي الفيلم ده

The.Ant.Bully

ويجعلو عامر

The Alien said...

the incredibles
من أحلي أفلام ديزني ف الكام سنة اللي فاتوا
وعلي فكرة
dash
بيتحول لأي حاجة ... نار حديد أي حاجة

تحياتي

أميرة البلطجية said...

يااااه يا كوكي
فكرتيني بأيام ما كنت ميس
وكنت بجيب للاولاد ستيكرز ذى إندكردبلز
كانت أيام كميلة
ميرسي يا كوكي

ياسر حسين said...

الفيلم ده من الافلام التى لا أمل من مشاهدتها
والنسخة المدبلجة منه بيقوم بدور مستر انكريدابول الفنان خالد الصاوي
أما بالنسبة لفيلم
ratatouille
فهو فيلم روعة
ومش هأتكلم هو روعة ليه وأترك ليكي المجال تحكي لنا عنه بطريقتك اللذيذة

خالص تحياتي

М€ŝЋМΣŞĦ said...

انا عجبني الفيلم ده قوي , عموما افلام الجرافيكس بتكون قصتها حلوه

لحد دلوقتي مقابلتش واحده معجبتنيش


علي فكره.. التاج اللي عند الاميره انا وسمسم بعتناهولك

وطبعا زي مانت عارفه التاج لازم يترد عليه

koukawy said...

شمس .. اه يا شموسه حقيقي ليكي حق في موضوع الترابط
*************************************
سمسم .. هعمل عليه سيرش و اشوفه و اكتب عنه
************************************
the alien ..
بس مش داش اللي بيتحول ده
jack jack
************************************
البلطجيه .. اي خدمه
*************************************
ياسر حسين ..من عيني انا هشوفه و اكتب علي طول
********************************
مشمش .. لا مفر يعني يا ابو المشامش