Monday, June 16, 2008

المناقشه مش كده يا جماعه

امبارح بالليل علي قناة الحياه ، كان فيه حوار حاد و مناقشه ساخنه بين الداعيه
الاسلاميه/ سعاد الصباح و الكاتب / جمال البنا
الحقيقه الحوار مع الراجل ده من رأي شئ شيق جدا و مهم لأنه بيشطح بدماغه شطحات عجيبه جدا
بس اللي حصل ان التليفونات بدأت ترخ علي البرنامج بكثره مش معقوله، بس مش دي المشكله
المشكله ان كل واحد يتصل يشتم و يتريق و بس
و عشان كده انا بكتب....ازاي تقدر انك تعبر عن اعتراضك و انت ما شاركتش بكلام
ايجابي يتفهم ....هتستفيد ايه لما تتصل تشتم و تقفل ....بالعكس من رأي اني اتصل
و اعمل زي المتصله الوحيده اللي عملت كده....و قالت/ يا جماعه احنا لازم نسيب فرصه للراجل
انه يتكلم عشان نعترض و نناقشه و نواجهه بأفكاره الشاذه، انما انتوا مش سايبينله فرصه
يبقي بتعترضوا علي ايه.....و ده بقي كلام عين العقل الناس بيسخنوا و تاخدهم الحميه الدينيه
و الجلاله و يتصلوا من غير ما يفيدوا الاسلام بأي حاجه....كان ممكن كتير من اللي اتصلوا
يكلموه بالحجه و بالذوق و بكلام في جنابه في نفس الوقت من غير منقل ادبنا
و علي الأقل عشان ميجيش حد تافه و لا بيتلكك و يقولك بص المسلمين بيعضوا في بعض
و مبيعرفوش يتنقشوا و عدوانيين

ملحوظه: انا مش متفقه في الرأي مع جمال البنا و لا حاجه ....لحسن اتفهم غلط


سلااااااااااااااااااام

2 comments:

وجهة نظري said...

كلامك مظبوط جدا، نرفزتني حكاية المكالمات ومإديتش فرصه للراجل يقول وجهة نظره علشان نشوف جاب الكلام دا منين وإستدل عليه إزاي

هم حشروا الراجل مع الدكتوره سعاد صالح، فتحت عليه الرشاش وهاتك يا تلطيش، وفي الفترات إلي كانت بتسكت فيها كان بييجي إتصالات تليفونيه .... حتي مإدوناش فرصه نعرف هو عاقل والا مجنون وهلا بيجيب كلامه منين

تحياتي ليكي

Yasser Hussein said...

طول عمري باسمع مصطلح
الرأي والرأي الآخر
لكني أيقنت حقيقة واضحة وضوح الشمس
أنه لا يوجد رأي ولا رأي آخر
:(

خالص تحياتي