Thursday, March 6, 2008

من شبّ علي شئ.......شاب عليه

من شبّ علي شئ .......شاب عليه
هو ده اللي طول عمرنا بنسمعه بس انا رأي غير كده
معلش سيبوني افلسف شويه من نفسي....دلوقتي من المفترض ان كل شئ الواحد
شب عليه هو نتاج لتربيه الأهل .....بس هل يا تري كل ما ربانا عليه الأهل صح؟؟؟؟
من رأي انه لأ.....حاجات كتيييييير في تربية الأهل مش بتكون مظبوطه
لكن بيربونا عليها عشان هما اتربوا عليها.......وشابوا عليها زي ما المثل بيقول
لكن لو كانوا ما شابوش علي اللي اتربوا عليه و تمردوا اكيد ما كناش احنا هنكبر
علي الغلط اللي هما ربونا عليه...طبعا انا مش بعمم....بس نفسي الواحد يكتشف
بدري بدري ان فيه حاجات غلط اتربي عليها و اتعود و عاش و لو ساب نفسه هيشيب
و لو لحقها بدري بدري هيقدر يغيرقبل ما يدرك متأخر و يتصدم اكبر صدمه في حياته
انا مش عارفه حد فاهم انا كاتبه ايه ولّا لأ بس....انا فاهمه و علي العموم
من شبّ علي شئ.......يقدر يلحق نفسه و يغيره قبل ما يشبّ عليه
سلام

4 comments:

محمد عبد الغفار said...

أكيد ينفع بس مبيحصلش الا نادر فعشان كده عملوا المثل ده

أنا حر said...

كلامك صح قوي انا على الاقل فاهم قصدك بس الموضوع منك كان محتاج منك أمثله علشان كل الناس تقدر تفهم
المشكلة في الناس الكبار انهم مش بيقرروا ايه الصح والغلط بناء على تجربة انما بناء على ذاكرتهم اللي بتقولهم اهلهم زمان قالولهم على الحاجة دي ايه وهي دي اكبر غلطة لأنهم بيشيلوا من تفكيرهم عامل الزمن والمكان ودي حاجات مهمة جدا في التربية
بوست رائع
تحياتي

Blank-Socrate said...

برافوا يا كوكو
لان كدا انت انسانه ايجابيه
اكيد كيد
مش كل اللى اتعلمناه صح
و اكيد فى سلوكيات كتيرة و عادات و افكار لازم نغيرها
و عجبتنى مقوله جميله
ان ربنا مش بيطبع بشر
يعنى مش كل الناس زى بعض
لكل انسان بصمه و فكر و رساله خاصه
فبالاولى نغير الموروث التقليدى الغير سليم علشان نبتدى بعد كدا فى رسالتناالفريدة
اه الفريدة
فى رساله فريدة مفيش غير كوكو الكميل هو اللى ممكن يعملها و رساله تانيه لنور الكميل طبعا
و رساله لسقراط
بااااااى

يا مراكبي said...

شوفي ياستي

اللي إنتي بتقولي عليه ده بينطبق بس على اللي عنده إدراك لأفعاله وبالتالي بيقدر يحدد إن فيه شيء غلط إتربى عليه وهيحاول يغيره

أما الغالبية فبيتصرفوا بتلقائية شديدة من غير ما ياخدو بالهمومش بيدركوا إن عندهم تصرفات خاطئة قابلة للتغيير