Wednesday, August 8, 2007

chicken little

اخيرا الحمدلله رجعت بعد غياب بسبب الظروف المتلاحقه من موت ولدي و التهاب حاد
في الحلق خلاني بشاور بدل متكلم لمدة اربع خمس ايام
بس الحمدلله انا كويسه دلوقتي .. و رجعت تاني لعشتي اللي بحبها و بموت فيها
وحشتوني كلكم .. و بشكر كل اللي قدمولي العزاء و دعوا بالرحمه
ميرسي
*************************************************************************




فيلم من انتاج شركة ديزني العالميه سنة 2005 ؛ فيلم في رأي رجع تاني
ذكريات افلام ديزني الكلاسيكيه اللي كنت بتفرج عليها و انا صغيره بس بالاضافه للتقنيه
الحديثه طبعا ؛ و من الطبيعي اني انحاز للفيلم و اقول انه كميل اوي لأنه
بطولة كوكو كميل زي القمر ؛ و كوكوهايه بنت برضو سكر ؛ ده طبعا بالاضافه لصحابهم الخنزير و السمكه

و كل الحيوانات اللي تتخيلوهم .. بتدور الأحداث في مدينه كلها حيوانات و بيحصل غزو
فضاء ؛ انما مش ده الغرض الأساسي من الفيلم انما الفيلم بيناقش موضوع مهم اوي
موجه للأبناء و الأباء مع بعض و هو .. الحوار .. ضرورة وجود الحوار و الثقه بين الأطفال
و اهلهم لازم يكون في وقت مخصوص للأب و الأم مع الأطفال للكلام و اللعب و تبادل الأفكار ؛
الغريبه يا جماعه مفيش فيلم كارتون او جرافيكس اتفرج عليه الا لما اطلع منه برساله
موجه او مورال زي ما بيقول المتخصصين .. ياللا جتنا نيله في كارتوناتنا الهباب ؛
اللي لفت انتباهي كمان في الفيلم هو خلفيات المشاهد .. طبعا هتسألوني يعني ايه يا كوكو ؟؟
يعني يا صحابي يا كيميلين اقصد الحدث اللي بيحصل في الخلفيه يعني مثلا يبقي مشهد اساسي
شغال في مقدمه الشاشه و في الخلفيه في حدث تاني فرعي يهلك من الضحك و ده حاصل في اجزاء
كتير من الفيلم .. هو صحيح شويه بياخد النظر و الانتباه عن الحدث الأساسي بس
بيبقي موقف او شخصيه تضحك جدا
في الاّخر احب اقولكوا ان الفيلم اتعمله جزء تاني انتاج 2006 بعنوان
chicken little .. ace in action
هاشوفه و اكتبلكه عنه انشالله
اما بالنسبه بقي لجوايز الفيلم.. فحصل الفيلم علي 3 جوايز و هي ..
عن دور الطفل الفضائي mathew josten
جايزه احسن صوت مدبلج سنة 2006 للمثل
في مهرجان الفنانين الشباب
و جايزه احسن اختيار للأصوات سنة 2006 في مهرجان تسكين الأدوار في امريكا
و جايزة احسن موسيقي تأثيريه و تصويريه سنة 2006 في مهرجان الأفلام التلفيزيونيه
بس هو ده اللي عندي اقوله اي خدمه يا معلمين .. علي رأي اللمبي
سلاااااام

16 comments:

Blank-Socrate said...

اهلا كوكو حمدالله على السلامه
مفتقدينك.....
:)

اسكندراني اوي said...

حمدا لله على السلامه
نورتي عشتك
تحياتي

كراكيب عادل said...

حمدلله علي سلامتك

والف سلامة من الالتهاب

Unknown said...

حمد الله علي السلامه يا كوكو

انا حبيت الفيلم ده .. واحتفظت بيه في الكوليكشن .. الكتكوت كان شكله لا يقاوم
رفنتوع و صغنون و عسوله

محمد عبد الغفار said...

حمد الله على السلامه واحييكى على روحك الرائعه

أميرة البلطجية said...

حمد الله ع السلامة يا كوكي يا حبيبي انا داخلة انهاردة وبقول يا رب تكون رجعت بالسلامة
ان الله تكون نفسيتك اهدى
:)
تشكين لتيل جميل اوي
وطبعا بيفكرنا بكوكو الكميل
:)

يعقــــوب .... said...

حمد لله على السلامة... كان نفسنا نعرف نبسطك زاي مانتي بتبسيطينا بقصصك

بيتنا القديم said...

الف الف حمدالله عالسلامة

ربنا يجعلها آخر الاحزان

والف سلامة علي حلقك

ويجعلوعاااااااااااااااااااااامر

-_- said...

انا اسف على غيابي انا كمان يا كوكو بس انا كمان كان عندي ظروف لغيابي عن التدوين

البقاء و الدوام لله وحده

koukawy said...

بلانك سقراط .. الله يسلمك و انا كمان مفتقداكم اوي
******************************************
اسكندراني اوي .. ميرسي بنورك
*******************************
كراكيب .. الله يسلمك ؛ الالتهاب ده العادي بيجيلي كتير اوي
*******************************
مشمش .. اه الكوكو صغنن و كميل اوي
*********************************
محمد عبد الغفار .. ميرسي و انت ايدك عامله ايه دلوقتي ؟؟؟
********************************
البلطجيه .. شوفتي القلوب عند بعضيها
********************************
يعقوب .. ربنا يخليك ؛ كفايه كومنتاتكم عندي بالدنيا
*****************************
سمسم .. يا رب يا سمسم من بؤك لباب السما
*******************************
شارم .. معلش يا شارم اكيد الناس كلها بيجيلها ظروف
و ميرسي

جوستيـن said...

:)

حمد الله ع السلامه

NeRmeeN said...

ايوه كده ..حمد الله على سلامتك يا كوكتى....وربنا ان شاء الله يجعلها اخر الاحزان..وكمان الف سلامة عليكى من البرد...يقطعه ..انا كمان كان جالى دور ظبطنى تمام:ي

تحياتى ليكى

Eric Matt said...


حمدالله على السلامة يا كوكو

انا عايز اهدي ليكي ابيات الشعر اللي كتبتها في وفاة شيماء الله يرحمها

لاني رثيت بها شيماء وكل عزيز فقدته

ربنا يكرمك يا رب ويصلح حالك

تحياتي لك من كايرو البلد

---------------

تذكرت جدي وكل من مات ممن أعرفه ومن لا أعرفه وكل من يموت يوميا بضجيج هائل او على سريره في هدوء قاتل فوددت أن أبكيهم جميعا:
بكاء:
يا من فارقتني أمس واني اليوم أبكيك
أبكيتني وعز عليا بعدي أن ألاقيك
رحلت عني وتركتني وحدي مناجيك
كنت أدعو الله في صلاتي أن ألاقيك
وأن يجعلني في كل مصيبة حاميك
ومسريا عنك ومن حزن مداويك
أو من ألم أو جراح عله يشفيك
لكنك أبيت الا الرحيل تاركا أثرا
يسألني بعده الناس ما فيك؟
عجز اللسان وصار دمعي يناديك
هل من مجير في مصيبتي تلك
أو هل من يقول تعال أواسيك
رحلت بجسد وفي قلبي مرائيك
بعدت عن بائع لك وعن شاريك
لتلقى رب الكون بوجه ناصع
وتسعد بلقيا رب الخلق باريك
ونحزن على فراقك اليوم وغدا
تنسى العين والقلب بالذكرى يبكيك
ثم يأتينا ذلك الزائر هو من أتاك
علنا به نسعد وفي جنة نلاقيك
في الفردوس باذن الله مكاننا
وعلى أصحابها صلوات وتبريكا
حيث السعادة كأس لابد شاربها
ومن أنهارها لابد الله ساقيكا
رحم الله موتى المسلمين

FOrty said...

حمدلله على السلامه على فكره انا بموت فى افلام والت ديزنى و ان كبير كده و بروح اخش الافلام دى بس كنت بزهق بقى السنما كلها اطفال ويا سلام بقى لو قعد وراكى ولد و مامته بتحكيى له الفيلم فى ودنك وتشرح له باسهاب علشان يتابع بس الحمد لله الدي في دي حلت المشكله و على راى المثل بيتك و تكيفك و دى فى ديهك و يا سلام بقى لو تكمل بشاشه بلازما تبقى تمام

البنت الشلبية said...

حمدلله على سلامتك يا جميلة ونورتى العشة الكميلة

مجهول said...

حمدا لله علي السلامة
ياااااااااااااه
البلوجسفير نور