Thursday, August 30, 2007

رضينا بالهم ....و الهم مش راضي بينا


رضينا بالهم ........... و الهم مش راضي بينا

حد فيكوا جرب يتعامل مع اكذوبة ...... تاكسي العاصمه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علي العموم للي ما تعاملش قبل كده هحكي اللي حصل معايا في المرات اللي عصرت علي نفسي
كيلو لامون و اتصلت بيهم ....و شوفوا بقي انا ليا حق اطق و لا لأ؟؟؟؟
**************************************
اول مره ... جه متأخر عن معاده حوالي نص ساعه و كنت طلباه لنفسي
تاني مره .... كنت طلباه لناس صحابي اجانب و عايزين يروحوا بليل
و اتأخر بتاع ساعه ساعه و ربع ؛ و طبعا كان شكلي وحش قدام بتوع بلاد بره
تالت مره ... كنت عند اصحاب و طلبته يجي ياخدني اتصل بيا بمعدل 5 مرات مثلا
عشان يعرف العنوان فين ؛ و طبعا كالعاده اتأخر
رابع مره ... اتصلت عشان عايزه تاكسي قالي الموظف اللي رد ... لأ حضرتك لازم تحجزي قبلها لأنه
مفيش تاكسيات فاضيه و كلهم مشغولين
خامس مره .. قلت في عقل بالي .. يا بت احجزي من قبلها و يا مصبر الوحش ع الجحش
و اتصلت بليل و قلت للموظف .. لو سمحت انا عايزه تاكسي بكره يكون عندي 12 ظهرا
و لو سمحت ما يتأخرش ؛ رد الموظف .. عينيا يا فندم بس حضرتك اتصلي الساعه 11
عشان تتابعي هو وصل فين .. و اتصلت تاني يوم الساعه 11 في الميعاد المحدد
رد علي الموظف .. انا اسف يا فندم اصل هو السواق مش هيقدر يكون عند حضرتك
قبل 12 و نص .. طبعا مسكتش و رحت مدياله اللي فيه القسمه و قلتله متبعاتوش طبعا
سادس مره .. و اعتقد انها هتكون الأخيره ؛ كانت اول امبارح .. اتصلت بليل
عشان احجز تاكسي لتاني يوم الساعه خامسه بعد العصر ؛ و رد عي الموظف و اخد كل البيانات و اكد علي
اني مش محتاجه اتصل أأكد بكره و انه 5 بالثانيه هيكون تحت العماره ؛ جه تاني يوم الساعه اربعه
قلت برضو في عقل بالي يا بت قومي اتكلمي برضو و اعملي اللي عليكي ؛ و قمت
و انا فرحانه بروحي اتصل بالخط الساخن بتاعهم من الساعه 4 للساعه 5 الاربع
التليفون يرن و حد يرفع السماعه و يحطها ؛ لحد ماتخنقت .. و بعد شويه الساعه 5 رن الموبايل
و لقيت الموظف المسؤل عن الحجز بيتصل بيا و بيقولي .. انا اسف حضرتك اصل السواق حصله ظروف و مش هيقدر يجي في الميعاد .. محستش بنفسي الا و انا بقوله يا بني ادم اللي بيعتذر ده يعتذر ساعة الميعاد
و لا قبله ؛ اديني نمره للشكاوي .... و فعلا اخدت قرار في نفسي اني مش ههدي و لا هيرتاحلي بال
الا لما اتصل اشتكي .... و لما اتصل اشتكي هقترح عليهم اقتراح و هو تغيير اسم المشروع
من تاكسي العاصمه ... الي ... طابونة
العاصمه
و قال علي رأي المثل
رضينا بالأجره .. و التاكسي مش راضي بينا

سلااااام


طلب خاص .. اللي فيكوا ليه نوادر شبه دي مع تاكسي الغرام يكتبهالي في الكومنت و انا هزودها علي البوست
****************************************************
و ادي خبرة الاّخرين و مواقفهم اللي كتبوهالي في الكومنتات
.... خدوا عندوكوا



سفاح كرموز

كنت رايح فرح مع والدتى واخواتى البنات ...ومش معانا عربية ...والفندق من ضمن فنادق المطار...فلو تاكسشى عادة ...هيلهفله مش ااقل من 60 جند اصلا ..

بس ماما كلمته ...والراجل اللى فى الشركة كلمنى وقالى ده تحت البيت وفى الميعاد 7.30 بالليل...قلت اشطز يابو السفافيح دول عالم مزبوطة...المهم ابص من جميع الشبابيك مش الاقيه ..

فين وفين على ما اقنعت الراجل بتاع الشركة انه مش تحت العمارة واخدت منه رقم موبايل السواق بالعافية ...لاكتشف ان الراجل ادوله عنوان غلط...وهوا واقف مستنى عنده...فقولتله العنوان صح وجالى

بالليل واحنا مروحين كلمته عالساعه 12 قلتلهم عايز عربية تكون عندى 1.30 بالكتير اوى ...الموظف قالى حاضر واى تغييير هنكلمك قبلها بنص ساعه ...جت الساعه 1.30 لقيت الموظف بيدينى نمرة السواق بيقولى كلمه وشوفه فين ...انا مسكت نفسى عشان كنت فى فندق محترم وكنت هشتم اهله اصلا ..

كلمت السواق لقيته وبقوله فندق كذا عند المطار...يقولى مطار القاهرة ولا مطار امبابة !!!!!!!!!!!!!!!!!!!

قولتله لاء القاهرةة...قالى اسم الفندق ايه ...طب هلاقيه كويس...طب هدفع فلوس ...حوارات عبيطة وحسيت انى هلاقى عربية كارو هتجيلى...قالى ربع ساعة بالظبط واكون عندك...

وصلنا للساعه 2 قلت يلعن ابوهم مش راكب ...ورحت لبتاع الامن فى الفندق وخليته يجبلى تاكسى تبع الفندق ...اهو اسمه معروف والورق بتاعهم عند الفندق والامن ...وسألته عن الاجرة قالى اديهله 50 جنيه ...ووصلنا البيت

بس ولا اتصلت الغى ميعاد ولا يحزنون...اللى ما يحترمش ميعاده خصوصالو شركة يبقى ملعون نفسه بقى يتحمل

العملية مخلصتش لحد كده ...تانى يوم بالليل السواق بيكلمنى وبيستظرف وبيقل ادبه عشان لطعته فى الشارع ...انا خليته يحب يتلطع فى الشارع بعد ما كلمنى ...او بالاصح بعد ما قفلت معاه بعدها بربع ساعه اتعلم انه لما ييجى فى ميعاده احسن بكتيييييييييييييير من لما يتأخر...ولا شكوى ولا بتنجان

ههههههههههههههههههههه
*********************************************
شيماء

دانا حصلت معايا مرتين وحرمت والمره التانيه كانت فرح فى اقاصى الارض
وكلمتهم على اساس ان التاكسى يجى الساعه 8 عشان ده فرح ومواعيد بقى وكده
رد عليا بمنتهى الزوق والادب وقالى طبعا يا فندم الساعه 8 بالظبط هيكون عندك ولو حصل اى تغيير هنكلم حضرتك قبلها بنص ساعه
على اساس ان التغيير عادى فى الحالات دى ..محنا تحت رحمه حضراتكم امال شركه ايه وتاكسى عاصمه ايه
المهم البارد اتكلم الساعه 8 وقالى برضه بمنتهى الزوق والادب التاكسى هيجى الساعه 9ونص يا فندم .. نعم ليه ..اصل مفيش تاكسى فاضى دلوقت .."يا سلام امال انا مكلماك من بدرى وعامله حجز ليه؟؟؟؟؟"...المهم قلتله مينفعش احنا متاخرين ومرتبطين بمعاد" وبعدين انا عايزة الحق الزفه"..يهديك يرضيك يقوم البارد يرد يقوللى مفيش حل غير كده
اه ه ه ه ه ه ه البارد
ومن ساعتها وانا دمى محروق
:))))بس برضه لحقت الزفه
*************************************************************
مشمش

انا لسه من تلات ايام كنت بتعرف لاول مره علي تاكسي العاصمه


كنت هناك بوصل واحد صاحبي اجنبي للمطار .. جيت من الاسكندريه علي التحرير .. وكان فاضل حوالي 3 ساعات علي معاد الطياره , فقولت اتصل بالتاكسي ويجي , اهو الواد يركب حاجه محترمه بدل بهدله التكاسي بتاعه مصر

المهم
ضربت الرقم , و فضلت مستني حوالي خمس دقايق لحد ما حد عبرني ورد عليا .. عطيتهم العنوان وقلتلهم عايز التاكسي دلوقتي .. راحت الموظفه المختصه راكناني كمان خمس دقايق عشان في الاخر تقولي .. معلش بس معندناش سيارات متاحه في الوقت الحالي , المفروض ان التاكس مشروع استثماري , يعني المفروض برضه يكون متوفر في اغلب الاحيان في معظم المناطق الحيويه

*************************************************************
,

23 comments:

safa7_karmooz said...

طب دانتى خبرة بقى ...

انا من مرتين وهوب...شكرا...مش عاوزين..
كنت رايح فرح مع والدتى واخواتى البنات ...ومش معانا عربية ...والفندق من ضمن فنادق المطار...فلو تاكسشى عادة ...هيلهفله مش ااقل من 60 جند اصلا ..

بس ماما كلمته ...والراجل اللى فى الشركة كلمنى وقالى ده تحت البيت وفى الميعاد 7.30 بالليل...قلت اشطز يابو السفافيح دول عالم مزبوطة...المهم ابص من جميع الشبابيك مش الاقيه ..

فين وفين على ما اقنعت الراجل بتاع الشركة انه مش تحت العمارة واخدت منه رقم موبايل السواق بالعافية ...لاكتشف ان الراجل ادوله عنوان غلط...وهوا واقف مستنى عنده...فقولتله العنوان صح وجالى

بالليل واحنا مروحين كلمته عالساعه 12 قلتلهم عايز عربية تكون عندى 1.30 بالكتير اوى ...الموظف قالى حاضر واى تغييير هنكلمك قبلها بنص ساعه ...جت الساعه 1.30 لقيت الموظف بيدينى نمرة السواق بيقولى كلمه وشوفه فين ...انا مسكت نفسى عشان كنت فى فندق محترم وكنت هشتم اهله اصلا ..

كلمت السواق لقيته وبقوله فندق كذا عند المطار...يقولى مطار القاهرة ولا مطار امبابة !!!!!!!!!!!!!!!!!!!

قولتله لاء القاهرةة...قالى اسم الفندق ايه ...طب هلاقيه كويس...طب هدفع فلوس ...حوارات عبيطة وحسيت انى هلاقى عربية كارو هتجيلى...قالى ربع ساعة بالظبط واكون عندك...

وصلنا للساعه 2 قلت يلعن ابوهم مش راكب ...ورحت لبتاع الامن فى الفندق وخليته يجبلى تاكسى تبع الفندق ...اهو اسمه معروف والورق بتاعهم عند الفندق والامن ...وسألته عن الاجرة قالى اديهله 50 جنيه ...ووصلنا البيت

بس ولا اتصلت الغى ميعاد ولا يحزنون...اللى ما يحترمش ميعاده خصوصالو شركة يبقى ملعون نفسه بقى يتحمل

العملية مخلصتش لحد كده ...تانى يوم بالليل السواق بيكلمنى وبيستظرف وبيقل ادبه عشان لطعته فى الشارع ...انا خليته يحب يتلطع فى الشارع بعد ما كلمنى ...او بالاصح بعد ما قفلت معاه بعدها بربع ساعه اتعلم انه لما ييجى فى ميعاده احسن بكتيييييييييييييير من لما يتأخر...ولا شكوى ولا بتنجان

ههههههههههههههههههههه

طولت عليكى..:)

Blank-Socrate said...

بما انى من عامه الشعب و مبركبش الحاجات دى لكن انا متفق معاكى ان اى حاجه و كل حاجه فى مصر فاشله
و كل سنه و انت طيبه ...:)يا كميل المنطقه

يا مراكبي said...

أن مراتي كل يوم تشتكيلي من موضوع التاكسيات وخصوصا تاكسي العاصمة .. عمرها ما نجحت إنها تحجزه أو يجيلها أبدا في خلال الشهرين اللي فاتو .. أما التاكسيات التانية اللي زي علب الصفيح فدي بقى فضيحة

التاكسي يا خواننا أحد ملامح نظافة وتحضر أي بلد في الدنيا .. واللي عندنا ده إسمه زبالة وحاجة تكسف

يعني إحنا مستعدين ندفع لكن متلاقيش .. حاجة غريبة جدا

عايزيت سواق للعربية .. ماتلاقيش

عايزين خدامة علشان شهور الصيف .. ماتلاقيش

عايزين حد ينظف البيت .. ماتلاقيش

والناس عمالة تشتكي من البطالة .. كل الناس عايزة تشتغل مديرين .. ماحدش عايز يتعب أبدا .. أو عايزين فلوس بأقل مجهود .. حاجة تقرف

Amr Ahmed said...

يا فضيحتنا قدام الاجااااااااااانب

YHYيــوســف الـمصـرى said...

بالنسبة لموضوع تاكسى العاصمة ده صراحا انا مجربتوش لأنه شكله مش مريحنى وثانيا لأنى من هواة الميكروباص:)

ليا طلب بسيط بس صوت كوكو الى بيصوصو ده كل ما بخش هنا بجد صعب اوى لأنى ببقى مشغل السمعات وغالبا كل الى بيخش هنا بيكون بيسمع حاجة فياريت تخليه يصوصو براحة شوية !!
تحياتى

كراكيب عادل said...

اية الفضايح دي كلها

بجد حتي الخدمات مدفوعة الاجر مهزلة

الظاهر بقت الفضايح لينا عنوان

Mohamed A. Ghaffar said...

عشان بس نبقى بنقول اللى لينا والى علينا احنا دلوقتى فى عز الموسم ورغم كل المساوئ يظل فى احيان قليله حل افضل
تجاربى مع تاكسى العاصمه كلها غير مشرفه وليس عندى مراره كافيه لأقصها بعد معشتها

بختصار دول فى الأول والأخر مصريين هواه وغير محترفين همهم الأول الربح فمحدش يفتكر ان تحت القبه شيخ

انتم عارفين انهم عندهم تعليمات حالياً يقفوا بالمشاوره فى الطريق زى الأبيض والأسود من غير كول سنتر ولا يحزنون

رفقة عمر said...

اخبارك ايه يارب تكونى بخير

شوفى بصراحه انا لازم اعذر تاكسى العاصمه يابنتى انتى ممكن تقفى ساعه فى اشاره يعنى هو يعمل ايه دة محتاج يكون طيارة العاصمه مش تاكسى
علشان يوصل فى الميعاد
عارفه كنا خارجين نشترى لبس ونزلنا بعد صلاه العشا والمفروض عايزين نروح لمحل قريب مننا
وقفنا ساعه فى الاشار ة ولغايه لما وصلنا لاقين المحل خلاص هايقفل
يعنى انا بجد باعذرهم الله يكون فى عونهم بجد
كل سنه وانت طيبه

break said...

الحاجات دى لسة موصلتش عندنا
احنا عندنا ازمة فى التاكسيات العادية اصلاااااا
تقفى نص ساعة على ما تلاقى تاكسى يوديكى اى حتة :(
ابعتولنا شوية من عندكو

shayma said...

وفضاتى تكلميهم بعد ده كله
والله كويس
دانا حصلت معايا مرتين وحرمت والمره التانيه كانت فرح فى اقاصى الارض
وكلمتهم على اساس ان التاكسى يجى الساعه 8 عشان ده فرح ومواعيد بقى وكده
رد عليا بمنتهى الزوق والادب وقالى طبعا يا فندم الساعه 8 بالظبط هيكون عندك ولو حصل اى تغيير هنكلم حضرتك قبلها بنص ساعه
على اساس ان التغيير عادى فى الحالات دى ..محنا تحت رحمه حضراتكم امال شركه ايه وتاكسى عاصمه ايه
المهم البارد اتكلم الساعه 8 وقالى برضه بمنتهى الزوق والادب التاكسى هيجى الساعه 9ونص يا فندم .. نعم ليه ..اصل مفيش تاكسى فاضى دلوقت .."يا سلام امال انا مكلماك من بدرى وعامله حجز ليه؟؟؟؟؟"...المهم قلتله مينفعش احنا متاخرين ومرتبطين بمعاد" وبعدين انا عايزة الحق الزفه"..يهديك يرضيك يقوم البارد يرد يقوللى مفيش حل غير كده
اه ه ه ه ه ه ه البارد
ومن ساعتها وانا دمى محروق
:))))بس برضه لحقت الزفه

М€ŝЋМΣŞĦ said...

انا لسه من تلات ايام كنت بتعرف لاول مره علي تاكسي العاصمه

كنت هناك بوصل واحد صاحبي اجنبي للمطار .. جيت من الاسكندريه علي التحرير .. وكان فاضل حوالي 3 ساعات علي معاد الطياره , فقولت اتصل بالتاكسي ويجي , اهو الواد يركب حاجه محترمه بدل بهدله التكاسي بتاعه مصر

المهم
ضربت الرقم , و فضلت مستني حوالي خمس دقايق لحد ما حد عبرني ورد عليا .. عطيتهم العنوان وقلتلهم عايز التاكسي دلوقتي .. راحت الموظفه المختصه راكناني كمان خمس دقايق عشان في الاخر تقولي .. معلش بس معندناش سيارات متاحه في الوقت الحالي , المفروض ان التاكس مشروع استثماري , يعني المفروض برضه يكون متوفر في اغلب الاحيان في معظم المناطق الحيويه , عموما هي ماتجيش حاجه جنب الخبرات السوداويه اللي اتعرضتي ليها .. مين عارف كان حيحصل ايه لو كان عندهم سيارات متاحه ؟ مش بعيد كانت الطياره فاتت علي الواد

§a§a said...

هو كل حاجه اساسا فى البلد فاشله جت على تاكسى العاصمه

مجهول said...

هههههههههههه
استحملتي كل ده
فعلا رضينا بالهم
والهم مش راضي بينا


مليش تجارب معاه

تنفع تجارب الاتوبيس
ههههههههههههههه

كل سنة وانتي طيبة يا كوكاوي يا كميل

رمضان كريم

البنت الشلبية said...

ازيك يا كميلة بما انى مش من سكان العاصمة فمليش تجارب معاه وحتى لما بسافر عند قرايبى باخد التاكسى العادى الابض فى اسود
بس على كلامكم ده يبقى مشروع تاكسى العاصمة ده طلع اونطة ومشكلة كبيرة ملهاش لازمة
سلام

غمض عينيك said...

تاكسي العاصمة دي سبوبة وبس مش اكتر من كده
واحنا هنا في مصر بلد السبايب

انما الامم السبايب ما بقيت
فان هم ذهبت سبوبتهم ذهبوا

وربنا يخليلنا السبوبة

محمد سمير

أميرة البلطجية said...

يا خبر ابيض؟
طب كويس والله انك قلتي الموضوع ده يا كوكي
انا صراحة عمرى ما كان ليا احتكاك بيه
وكده عمرى ما حيبقي ليا
!!

The Groom said...


جيت بس أسلم عليكي واطمن عليكي

ربنا يكرمك يا رب ويوفقك

ادعيلي كتير وادعي لكل من تعرفين وادعي للمسلمين بظهر الغيب

تحياتي لك من ماناساس البلد وفاكرك يا ناسيني

:) يا رب تكوني سعيدة

يعقــــوب .... said...

انا بيتهيألي الواحد لو عاوز يروح مشوار أو عند ميعاد مهم او فرح او اي حاجة زي ده..يأجر عربية بسواق أحسنله و أكرمله

esraa said...

طب مانتي اللي غلطانه

يعني حد بعد اللي حصل معاه اول وتاني وثالث مره يتعامل معاهم تاني

يالا المهم انك اتعلمتي من الغلط

ولو عايزه تتعاملي معاهم تاني ابقي اديهم الميعاد قبلها بساعه مثلا

Blank-Socrate said...

انا فى اجازة و جاى اسلم

shams said...

يا خبر ع اللي بيحصل يا بنتي سيبك منهم بقى
الحمد لله اني مش في العاصمة واصلاً اصلاً بخاف من التكسيات

وعزائي الحار في وفاة والدك .. غفر الله له واسكنه فسيح جناته
متنسيهوش من صالح دعاءك فأنت إنشاء الله الولد الصالح

بخصوص فيلم البيانيست انا رأيي انك لو قابلت اي إنسان ومحتاج مساعدة لازم تساعديه لو تقدري وف ايدك تساعديه لأن احنا بنعمل الخير لوجه الله مش مستنيين مقابل من حد الثواب عند ربنا وبس وبعدين افرضي يا كوكو انك انت اللي كنت محتاجة مساعدة وجالك واحد يهودي يساعدك ياترى هتكوني عايزاه يسألك انت جنسيتك ايه وديانتك ايه وبتحبي اليهود ولا لأ والكلام ده واللا هتكوني عايزه مساعدته وخلاص ولا هترفضي منه المساعدة وانتي محتاجاها علشان هو يهودي

ربنا يصلح لنا الأحوال يارب واشكرك يا كوكو على وقوفك جنبي في مدونتي
سلام يا جميل

The Groom said...
This comment has been removed by a blog administrator.
فدا said...

السلام عليكم

هههههههههههههه ايه دا
طب انا عايزة افهم انتو معندكوش شركة الا تاكسي العاصمة ؟

اصلو لو معندكوش غيره تبقا هنا المشكلة انو مفيش منافسة

احنا عندنا كزا شركة تاكسيات
بنكلم يدوب قبل بـ 5 دقايق بيكون قدامك
و لو مشغولين اوووي ممكن نستنا 10
بس حجز من قبل بيوم دا في حالة سفر بتاع ساعتين تلاتة
مش مناطق قريبة
لا و لو تأخرو بجد بيقعد السواق يعتززززر
:)


فدا