Tuesday, March 10, 2009

اّخر خدمة الغز...... علقه

اّخر خدمة الغز...... علقه
انا اتحلقلي يا رجااااااااله ..... حلقه معفنه الصراحه .... بس بكرامتي برضو اوعوا تفتكروا
ليه يا كوكو يا كميل هو فيه حد يقدر يحلقلك ريشك الكميل ده؟؟؟؟
اه هو ده اللي حصل، و ادي الحكايه من طأطأ لسلاموا عليكم...... عليكم السلام
كتبلي الدكتور علي شهاده مرضيه بأسبوعين نظرا لظروفي الصحيه المضطربه
التي تستلزم الراحه لفتره، قدرت بطريقه ما اني اوصل الشهاده للشركه اللي بشتغل فيها
لاثبات اني في راحه بأمر طبيب
و كانت المفاجأه لما جالي تليفون بعد يومين من وصول الشهاده الشركه من مدير الشئون
الاداريه يبلغني فيها انهم قبلوا استقالتي و ان الشهاده الطبيه مرفوضه
و طبعا ما كان علي الا اني قلتله - مفيش مشكله حضر الاوراق و المستحقات و اتصل بيا
بس قعدت مع نفسي اتأمل ياه ه ه ه ه ه قد كده اصحاب رؤؤس الأموال معندهمش انسانيات
بتاتا، و لا عشان الأزمه الاقتصاديه اللي الكل بيتحجج بيها خلت الناس بتتحكم في مصدر
رزق عائلات، انا مش راجل مسؤل عن عيله و عن اكلها و شربها و مصارفها
فالموضوع مش فارق معايا كتير، بس اللي فكرت فيه المسؤؤلين عن عائلات يعملوا ايه
لما فجأه يلاقي نفسه في الشارع، و ليه عشان هو مبقاش محتاجك فيبتلكك لك
مبيفكروش هيروحوا من ربنا فين؟؟؟؟؟؟؟؟؟؟؟؟؟
حقيقي علي رأي المثل
اّخر الشغل في شركة (ا.ف) .... حلقه
سلاااااااااااااااااااااااااااااااااام

10 comments:

Blank-Socrate said...

اللحظات اللى بنحس فيها بالاهانه هنا فى مصر اكتر بكتير من الاوقات القليله اللى بنحس فيها بانه وطنا او اننا لينا كرامه
عارفه مصر كلها و اللى فيها زباله قوى
معلهش مخنوق من اللى بيحصل و بنحاول نبلعه و نعديها

nudy said...

شوف يا كوكو ده مالهوش علافة بالازمة الاقتصادية ده ليه علاقة بالاخلاق لان حتي من زمان واصحاب الاعمال بيعملوا كده ممكن يمشوا حد قديم لمجرد ان مرتبه بقي كتير ويجيبوا جد لسه مبخرج علشان يقبل لفلوس اقل

هيه بس ازمة اخلاق

MONDAHESH said...

هي دي مصر

معلش الله يكون في عونك

وألف سلامة عليكي

وبكرة يطلع ريش غير اللي اتحلق

:))

تحياتي

Unknown said...

وحياتك ياكوكو ياكميل
حتى احنا مستوظفين الحكومة
على سن ورمح بيتعمل فينا كده
بس مش (بالمفتشر الصريح)ده وده اسوء
ازاى ؟وليه؟اقولك لما تبقى على درجة مدير عام ويتطلب منك تمضى حضور وانصراف عن (بردون يعنى)مستوظف درجة خمستاشر ويقعد يبص لك فى ساعته وفى السقف يبقى مش دول عايزينك تزهق وتمشى؟لكن على مييييييييييييييين
انا قاعدة على قلبهم لحد المعاش الطبيعى إن لم يستعجل ربنا على لقائى
فده حاجة تانية:)

Unknown said...

المهم كوكو طمنى على الكميل الصغنن
ها الحال ماشى الحمد لله؟ وكله تمام؟
طييييييييييييييييييييييييييييب
ربنا يطمنا عليك يارب يارب يارب

يا مراكبي said...

معلش

رب ضارة نافعة

لكن بجد بجد الأزمة أكبر من أي شركة دلوقت .. ولا مجال للإنسانيات .. الكل بيقول ياللا نفسي

V.Hayat said...

الازمة الاقتصادية سبب اساسى فى الذى يحدث والحمد لله انك فى بلدك مش فى بلد غريب فى لحظة يقال اليك بالسلامة انت مفصول تخيل ماذا يكون مواقفك واولادك وحياتك تتهد فى ثوانى امامك

وعسى ان تكرهوا شئ وهو خير لكم

تحياتى

الميكروباص said...

حيث اني وصلت متأخر ومليش غير في الافلام الابيض والاسود القديمه لم اعرف ارد على الموضوعين الموجودين أعلى المدونه
لكن لفت نظري وبشده الموضوع ده
وبالنسبة لأصحاب الشركات ليس الخطأ منهم
وزلكن الخطأ من اللي سمح لهم بأنهم يعملوا كده في الناس
هم لا عندهم دم ولا عندهم ضمير ولا بيحسوا من الاساس
انا عندي صاحب الشركه لسه امبارح فقط كان واقف مع مدير التعبئه وعندما قال له مدير التعبئه شيئا لم يعجبه تخيلي ماذا فعل؟؟؟؟؟؟؟
قال له لفظ اعتراضي "بسقف الحنجره" في مشهد اصابني بالذهول
وكذا مره يقول اللي مش عاجبه يروح في داهيه انا ممكن اجيب 1000 واحد
وهذا ما دفعني إلى القيام بمشروع خاص وسأترك العمل فورا عندما يقوم المشروع على قدميه لأني زهقت من العمل عند الناس
قد تناسوا ان من يرزق العباد ويرزقهم هو الله
وزي ما قال nudy
المشكله لا علاقة لها بالازمه الاقتصاديه بقدر ما هي اخلاق
عشان كده انا شايف ان مش الحكومه بس هي السبب
احنا مساهمين بقدر كبير جدا في المعاناه اللي احنا فيها بسوء تعاملاتنا مع بعض

الميكروباص said...

صحيح نسيت اقولك ألف سلامه عليكي

koukawy said...

لورنس العرب..... طب انت بتقول ان ده مدير راجل
طب تعرف ان احنا كان عندنا
General Manager
واحده ست
و كانت بقي بتتعامل بالأصوات و الألفاظ اللي مش ممكن تتخيل انها تطلع من مكان محترم اصلا
و كنت انا مستنيه بس تفكر تعمل معايا حاجه شلبه كده بس الحمدلله انا كنت بسمع عن بعد