Sunday, March 1, 2009

الست قنبله موقوته في الاسلام

المقال ده منقول عن واحده صديقتي
كتبته في (نوت) علي الفيس بووك
و حبيت اشاركه معاكوا بعد موافقتها طبعا
***********************************
ازيكوا انا اول مره اكتب نوتس بصراحه حصلى النهارده استفزاز غير عادىسمعت عن طريق الصدفه شريط لمحمد حسين يعقوب و كان الموضوع عن ( الاستعصام عن النساءءءءءءءءءءءء ) و بيخاطب الرجاله بيقولهم يا اخى الست دى عياره عن قنبله موقوته احذر منها، حتقولى ازاى يا مولانا اقولك ازاى اولا اوعى تكلم واحده ست ( و الله العظيم قال كده باللفظ ) اوعى تختلط و لو حتكلمها تكلمها من وراء حجاب ( طيب هوا حيجيب الحجاب دا منين لو هوا فى مصلحه حكوميه مثلا و بيتعامل مع موظفه )ثانيا متسلمش على اى واحده ست و تقول انها مدتلك ايديها و لو مديتلك ايديها و انت كسفتها دى سنه ( ازاى يقول ان الكسفه دى سنه اكيد الرسول عليه الصلاه و السلام مكسفش الست بس اعرض عن انه يسلم بمنتهى اللباقه و حسن المعامله مش بالكسفه اللى خلاها الشيخ سنه )و يكمل كلامه ان الست دى مجرد نقمه فى المجتمع و حكى عن انه مره ركب اتوبيس و لقى واحده ست واقفه قدامه وواحده واقفه وراه و واحده واقفه جنبه و حب يهرج يعنى العدو محاوطنى من كل اتجاه يا اخونا النساءءءءءءءءء دول بلاوى سوده (وحيات ربنا قال بلاوى سوده)و بعدين ادى افتاءه كده عجيبه اول مره اسمعها ان الست اللى جوزها يزنى هيا تشيل وزر زيه بالظبط و تدخل النار قبله كمان مش قادره اصدق يا اصدقائى ازاى يكون انسان زباله و خاين و مراته ست محترمه جدا و تدخل النار قبله ازاى يفتى فتوى زى دى بجد انا مضايقه جدا من صوره الاسلام قدام الناس اللى بتسمع ازاى تبقى النظره للراجل اللى بيعمل اى حاجه غلط متعلقه على شماعه الست اللى هيا فى رايه مش مفروض تخرج برا البيت اصلا و اشار بعد كده ان فى مدرس ثانوى جه سأله انه يدرس فى مدرسه ثانوى بنات قاله اياك حرام حرام ابتعد عن البنات و السيدات و لا تخالطهم و لا تكلم حتى زملائك فى الشغل حتى لو كنت بتوعظها، حسيت فجاه انى كائن جربان مش مفروض حد يقرب منه الله يرحمه الشيخ الشعراوى اللى كان بيتكلم بمنتهى الحب و السماحه مع اى حد راجل و ست حتى الستات المتبرجات من وجهه نظره كان بيقعد معاهم و يتكلم علشان هوا ده رجل الدين الصح مش الراجل اللى انا سمعته النهارده ايه رأيكوا فى اللى قلته دا و ربنا يعلم انى متجنتش عليه فى ولا كلمه و كل كلمه قلتها على لسانه و الله العظيم هو قالها
سلاااااااااااااااااااااااااااااااااااااااااااااااااام

10 comments:

sera26 said...

حسبنا الله و نعم الوكيل فى كل حد يشوه صوره الاسلام فى نظر الناس
احب اقولك يا كوكو ان الناس دى هيا اللى ليها السطوه على الناس البسيطه و الناس دى يا عينى بتصدق كل كلمه بيقولوها
المفروض تبقى فى رقابه اكتر من كده من قبل الازهر
ارحمونا بقى

الميكروباص said...

علمت عن اي شريط تتحدث لفضيلة الشيخ وقد سيء فهم ما يقول وتم تحوير بعض ما قال -دون قصد منها بالطبع- لو كانت سمعته بتركيز قليل لعرفت معنى ما يقول

koukawy said...

لورنس العرب.... هو اللي انا اعرفه عن صاحبتي انها مثقفه كفايه و واعيه و صادقه ما بتكدبش فأنا مصدقاها و خصوصا ان انا مبحبش فضيلة الشيخ برضو
بس هي اكيد هتقرا التعليق و ترد عليك بنفسها، هو ده مش الشيخ الوحيد اللي يعمل شريط بالأسلوب ده انا كنت سمعت موضوع شبيه بس لشيخ تاني مش عارفه اسمه و كان غايه في الهجوم و السوقيه في الألفاظ و التشويه لصورة المرأه اللي ربنا كرمها زي الراجل بالضبط

sera26 said...

لورانس العرب
انا الحمد لله مسلمه جدا
و عندى مفاهيم الحمد لله متربيه عليها و السبب فيها انى متربيه على سماع فضيله الشيخ محمد متولى الشعراوى
و مش انا اللى حتكلم الشيخ الشعراوى يبقى مين و فضله ايه على ناس كتير و اجيال كتير
انا مأسأتش فهم اى لفظ لانه قال بكل صراحه الستات دول بلاوى سوده بنفس اللفظ
و انا عندى من الامانه الكافيه انى انقل على لسان اى حد اللى حصل بالفعل لان دى امانه و انا مش ممكن ادعى عليه
و قال بالفظ للراجل متشتغلش فى مدرسه بنات علشان ممكن واحده تقولك بحبك
و قال بالفظ ان الست اللى جوزها يزنى هيا تشيل وزر زيه بالظبط و تدخل النار قبله
كل دا معتقدتش انه يتحمل معانى تانيه غير المعانى الواضحه
و لو عندك الشريط دا اسمعه تانى
و شكرا على تعليقك

Blank-Socrate said...

حتى الستات المتبرجات من وجهه نظره كان بيقعد معاهم و يتكلم علشان هوا ده رجل الدين الصح
اكيد دى صورة الانسان الطبيعى فما بالك برجال الدين
اعرف ان المراءة معين نظير
المراءة فى كل الاحوال نظير
سواء من الاسرة او زميله عمل
هى نظير انسان كامل مساوى لى
و فى حاله الارتباط تكون معين نظير
هى مازالت الانسان النظير المساوى لى
و لكن اصبحت معين لى فى الحياة و انا معين لها
---------------------
المشكله هى فى الجهل
و المصيبه عندما يكون المعلم جاهل
تأثيرة يمتد الى كل تلاميذه
و هنا التلاميذ بالملايين
------
تحياتى

Blank-Socrate said...

اسف كوكو انى باخاطب طرف تالت من خلال مدونتك
-------------------
لورنس نفسى اعرف قافل ليه التعليق عندك
نفسى اتكلم معاك كتير فى كلام و حقايق مغلوطه عندك
-------------------
دا تعليق على اخر بوست
كوكو طبعا دى اول و اخر مرة استخدم مدونتك بس عاوز اوصل رساله ل لورنس
===
يا لورنس العرب
سؤال انت ليه فى اسمك بتاخد شخصيه غير مسلمه غير عربيه ؟!
----
يا عزيزى الدين معامله
ايه الفايدة ان انت تربى دقنك و انا اشوفك فى المترو و اعرف انك مسلم و تدخل ست كبيرة و متقمش ليها من مكانك
ايه الفايدة انك تربى دقنك و لما تدخل بنت مش محجبه تبص ليها باحتقار حتى لو كانت اطهر منك
يا لورنس الدين حب
انت بس بتدور على المظاهر
للاسف انت بتحاول فى كل مكان تقول انك مسلم زى ما ذكرت ان برا مصر يشوف الزى الاسلامى و الدقن يعرفوا انك مسلم
هم خلاص للاسف مش قادرين يقبلوا او يحبوا المسلمين من كتر الافعال اللى بتحصل باسمه
هما محتاجين حب منك
قبول احترام
و لما تعمل كدا و عن طريق الصدفه يعرفوا انك مسلم تتغير فكرتهم
تخيل انك مثلا مسيحى مثلا يا سيدى
و ان كل بلدك مسيحين مثلا 100 الف نسمه
و فى 100 شخص فقط مسلم
اكيد مش من حقك تشغل الاذان فى الفجر
لان بكل بساطه كل من هو ليس مسلم الاذان بالنسبه له ازعاج ؟
الانسانيه مش فى حرب دينى
هما فى حرب للثروات البترول
امريكا ضد فنزويلا مثلا
مع انهم هما الاتنين مسحيين
امريكا ضد كوريا الشماليه اللى هى كافرة :)
عزيزى رجاء قبول الاخر
تحياتى

koukawy said...

سقراط....... احد اسباب اني نشرت اللي انت بعته هو اقتناعي بما فيه رغم عدم فهمي عن اي بوست بتتكلم عند لورنس بس اهو باب حوار و مناقشه مفتوح، و اختلاف الأديان لا يفسد للود قضيه
انا مسلمه الحمدلله و لكني اقبل الاّخر بصدر رحب و في النهايه كل واحد هيتحاسب عن نفسه
اشكر مداخلتك يا سقراط

Blank-Socrate said...

http://we-and-thewest.blogspot.com/2009/03/blog-post.html

عن البوست دا
انا اسف اثقلت عليكى بنشر كلامى
سورى لو مزودها حبتين بس بصراحه كل تدوينات لورنس صعبه جدا و قافل التعليق
شكرا تحياتى
:)
يا رب تؤم ثلاثى
ولدين و بنت
و كفايه على كدا :)

Blank-Socrate said...

التعليقات على هذه المدونة الإلكترونية مقيدة على أعضاء فريق العمل

----
de el error while trying to comment :)
anyway it's alright

الباحث عن الحقيقة said...

مش ده اللي الناس تاخد منه فتاوى في الحلال والحرام
ده اخره يخطب جمعه في زاوية في شارع في صفط اللبن
انما هو الاعلام اللي عمل من شوية وعاظ نجوم وعلماء

ثم ان النبي كان يصافح النساء ولم يمتنع عن مصافحتهن