Sunday, February 1, 2009

بيان هام من السلطان كوكو الكميل




يا اهل العشه الكميله و العشش الجيران اسمعوا و عوا
تك تتك تك تك

يتشرف سمو السلطان كوكو الكميل سلطان العشش الكميله
اطال الله عمره و مد في منقاره و طول في ريشه.. هاي هي
ان يعلنكم بخبر كميل كمال ملوش مثال
و هو انه يحمل في احشائه الصغنونه ولي العهد يوصله الله الي أرض العشه
بالسلامه و يكون له سند و عون علي تحمل صعاب الدنيا
و بهذه المناسبه الكميله اصدر السلطان كوكو الكميل فرمانين كيملين ينصان علي

اولا : ان يتكثف الدعاء ليل نهار صيف شتا بأن يجعله الخلف الصالح انشالله لجلالته

ثانيا : ان يتجمع جميع اصحاب العشش المجاوره و عشش السند و عشش الهند علي

اقتراح اسامي من الكوكوهات الذكور و الكوكوهات الاناث و ذلك حتي يتمكن سموه

من انتقاء اسم يليق بسمو ولي العهد

و اخيرا ... عقاب من يتهرب من هذا الواجب الوطني الكميل .. الجلد ببقسماطه بسمسم

مئة قطمه ...قصدي مئة جلده

و الحاضر يبلغ الغائب

يا اهل العشه الكميله تك تتك تك تك

سلااااااااااااااااااااااااااااااااااااااااااااااام





27 comments:

Blank-Socrate said...

مبرووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك
صدقينى فرحت جدا جدا
مش عارف اقول ايه
يا رب يوصل بالسلامه
---------
انا هاحضر السبوع اجبارى انشاء الله
اما بالنسبه للاسم مفيش اغلى من اسمى ادهيوله
مينا على بركه الله و ممكن الموضوع يمشى وحدة وطنيه و تاخدى جايزة و يتوظف
-------------
انا باحس ان انت بتاخدى فرصه انك تقدمى للحياة اعظم هديه
انسان يكون اكثر نقاء و حب
للناس و لربنا
ربنا يتمم على خير

koukawy said...

بلانك سقراط.... ربنا يخليك و خليلي اسمك ... و مفيش احلي من الوحده الوطنيه

nudy said...

الي السلكان كوكو الكميل
الف مبروك علي ابو الكتاكيت واليكم بعض المقترحات بالنسبة للذكور يوجد مازن، محب، آسر،
اما عن الكوكوات الكميلات مريم ، وصال ، ود ،
ويارب يطمنا علي الكوكو الكبير والصغير

Mohamed Hamdy said...

الف مبرووووووووووك

بجد فرحت اوى للخبر الرائع ده

لو بنت سميها منى

ولو ولد .. سميه تامر

:)

koukawy said...

نودي .. شكرا يا فندم علي التعاون
******************
محمد حمدي ... ربنا يخليك
و عقبالك

... amr said...

يتربى في عزو ان شاء الله :)))) الف مليون مبروك و ربنا يبارك فية - فيها - و تشوفية - تشوفيها - احسن واحد - واحدة في الدنيا يا أم زياد - ملك

:))

لورنس العرب said...

ألف ألف مبروك


ان شاء الله توأم

Blank-Socrate said...

انا مفكرتش فى موضوع التوأم دا
يا جماعه رجاء نحدد عدد التوأم فى الدعوة لان الموضوع ممكن يخرج من ادينا
فى ناس بتوصل لـ 8 و 7
:)

koukawy said...

هههههههههه
يا ريت فعلا عشان انا اللي هتدبس يا اما هصدر فرمان بسجنكوا 5 سنين مساعدة تربيه و مصاريف هههههههههه

ياسر حسين said...

الف الف مبروك
وجعله الله نبت صالح
إن كان كوكو ولد أقترح الاسماء دي
عمر ، يوسف ، سيف الدين ، زياد
وإن كانت كوكوايه بنوته يعني
أقترح الاسماء دي
سلمى ، سميه ، ساره ، حسناء ، يارا ، ناريمان ، مريم ، فاطمه
:)

david santos said...

Brilliant!!!!!

david santos said...

Brilliant!!!!!

safa7_karmooz said...

مبروووووووووووووووووووووووووووووووووك الف الف مبروووك لكوكو الكميل

ربنا مع كوكو الكميل ان شاء الله لغاية ما يجى الكوكو الصغير للدنيا وينورها كده اكتر واكتر

^_^

الاسم بقى لو ولد سميه سفاح

ههههههههههههههههههههههههههههههه

Desert cat said...

الف الف مبروك
ربنا يقومه لك بالسلامة يا حبيبتى
اقترح لك اسم
اممممممممم
سميه رينو على اسم القط بتاعى ايام الصغر
اصل دلوقتى عندى قطة واسمها لوجى

norahaty said...

استمتعت بالتواجد هنا
لمدة ساعة كاملة
وهذا نادر الحدوث
جدا بالنسبة لىّ

koukawy said...

desert cat ......
الله يبارك فيكي بس قطة ايه بس ده كوكو كميل صءنن
******************************
norahaty ........
و انا بقول العشه منوره زياده ليه المره دي اتاريها شحنت من الساعه اللي نورتيني بيها
ميرسي و هستاناكي ساعات كتير بعد كده

موناليزا said...

الف مبروووك
وربنا يكملك على خير وتقومى بالسلامة
وتجيبى كتاكيت كتير يملوا عليكى العشة:)

koukawy said...

موناليزا .... فين الصحه لكتاكيت كتير ربنا بس يصبرني علي ده
هههههههههه

crazyrama said...

سلام عليكم .. مدونتك جميله جدا
لما دخلت على مدونتى طلبت طلب بس انا معرفتش ارد عليك فين او ابعتهولك فين


فاهكتبهالك هنا

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

ولنبض ينفض عروقي بألف نغمة وضرب


على اسم مصر

النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت


*****

مصر السما الفزدقي وعصافير معدية

والقلة مملية ع الشباك .. مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

********

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

اسمعها مهموسة والا اسمعها مشخوطه

شبكة رادار قلبي جوه ضلوعي مضبوطة

على اسم مصر

وترن من تانى نفس النبره فى ودانى
ومؤشر الفرحه يتحرك فى وجدانى
وأغانى وحشانى بتذكرها ومالهاش عد
فى شئ حصل او بيحصل او هيحصل جد
أو ربما الأمر حاله وجد وخدانى
أنا اللى ياما الهوا جابنى وودانى
وكلام على لسانى جانى لا بد اقوله لحد
القمح ليه اسمه قمح اليوم .. وامس .. وغد
مصر يحرم عليها والجدال يشتد

على اسم مصر

يارب اكون لبيت طلبك
واسعتدتنى زيارتك

koukawy said...

crazyrama .........
ياهه ه ه هه ه ه هه
ميرسي ربنا يخليك
تصور ان انا بعد ما كتبتلك لقيتها كامله علي النت و طبعتها
بس ميرسي علي المجهود و الوقت
نورت

انت تسال والكمبيوتر يجيب said...

دعوه
الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق

صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo

أنا حر said...

الف مليون مبروك على الخبر الحلو ده
عموما لو بنت سميها مروة علشان انا بحب الاسم ده كتير قو انغام لاني بعشق انغام
بس لو ولد سميه يوسف
:)
تحياتي

Diyaa' said...

ما كنتش أعرف إنك متجوزة أصلاً :)
مبروك مرتين بقي :) وربنا يطمننا علي كوكو الكبير والصغير :)
ويكون خير خلف لخير سلف بإذن الله

الأسامي :)..أي إسم يعجبك حلو :)
سلاااااام

يا مراكبي said...

ياااااه

ألف ألف ألف مبروك

ربن يتم لك على خير ويجعله أو يجعلها من السلف الصالح

ياريت توأم بقى

خمسة فضفضة said...

السلام عليكم ورحمة الله وبركاته

الف الف مبروك ربنا يتملك علي خير ويقومك بالسلامه

اما الاسامي بقي فابصراحه بتبقي حاجه تحير

مش عارفه ليه اليومين دول معلق معايا اسم صَبَا

عموما اي مولود جديد اسمه بيبقي مكتوب من قبل ما يتولد وتلاقيه يجري علي لسان ابوه وامه من غير ما يحسوا


سلام

السنونو said...

ألف مبروك يا كوكو صحيح أنا متابعاكى من غير تعليقات وبحبك جداً بس المرة دى لازم بقى أكاكى وأقولك
لو بنت ايه رأيك فى صدف
الكلمة كلها مفتوحة جاية من ودع يعنى مش صدفة خيرمن ألف ميعاد
:))))

koukawy said...

السنونو....... انت منوره بتعليق و من غير
حلو الاسم ميرسي يا كميله