Monday, January 26, 2009

رمضان مبروك ابو العلمين حموده


رجوع مشرف لمحمد هنيدي بعد اّخر افلامه التي افقدته الكثير

من معجبينه و اولهم انا، فيلمه الجديد تظهر فيه بصمات وائل احسان

المخرج المتميز و اللي كانت احد الأسباب الجوهريه في تميز الفيلم ايضا

يتناول الفيلم قضيه هامه جدا في مجتمعنا حاليا الا و هي التعليم

و المقارنه ما بين التعليم الخاص و تعليم الأرياف او المجاني

و قضيه جهل الأجيال الجديده للغتهم الأم و التعامل بالانجليزيه او في معني اّخر غياب الهويه

و يوازيه خط درامي اّخر متعلق بالمغنيات الشباب و تعلق الشباب بيهم

لدرجة اهمالهم دراستهم و الاتجاه احيانا لطرق غير سليمه

*************

اجاد محمد هنيدي رسم تفاصيل الشخصيه الي حد كبير

و حاول جاهدا انه مايجريش خلف الافيه حتي لو رخم و لكن اختيار

الافيهات في الفيلم الي حد كبير تعتمد علي افيهات حركيه او افيه الموقف اكتر من لفظيه

**************

سيرين عبد النور ليست بالسيئه زي ما كنت فاكره و لكن الي حد كبير لطيفه

**************

ما اخذه علي الفيلم هو.... فكرة ان التلميذ يحب المدرس اللي بيضربه و بيشبشبله

لم يعرض الفيلم نموذج لطالب مجتهد كما عرض العديد من النماذج السيئه

طبعا لأسباب ما كلنا عارفنها يتساوي في المعامله ابن الوزير و ابن الغفير

و هو ما يدعو للضجر في بعض مناطق من الفيلم

************

في المجمل فيلم حلو استمعت مدة ساعتين المشاهده

و اتمني ان هنيدي يرجع زي زمان لمستواه من تاني

**************

سلااااااااااااااااااااااااااااااام

7 comments:

A.SAMIR said...

ماشفتش الفيلم
بس ناوي اشوفه قريبا ان شاء الله
هاشوفه وارجع اعلق ان شاء الله

Foxology said...

والله هنيدى حاسس انه نزل اوى واخر حاجة كويسة كانت جائنا البيان التالى لكن مش عارف بأة ايه حكاية رمضان مبروك الخ الخ :)

الفيلم الكويس فيه انه من تأليف يوسف معاطى واخراج وائل احسان يعنى اكيد هيكون فيلم كويس ولو بنسبة متوسطة

اه بالمناسبة شوفتى فيلم اودرى ...
He Loves Me .. He loves me not ?

تحياتى :)

Blank-Socrate said...

شكرا لهنيدى اللى خلاكى تنزلى بوست جديد
:)
اتقد انى هاشوف الفليم اول الشهر لما المرتب ينزل :)

كاتب مصري said...

فلم حاكية دمه خفيف جدا فيه أحسن من عندليب الدقي بألف مرة عسل بجد محمد هنيدي في بتسريحته دي ولهجته الفلاحي حكاية
أنتظرك
مودتي

ياسر حسين said...

كويس ان الفيلم عجبك
واعتقد ان الموضوع اللي كتبته عنه في المدونة عندي شجع ناس كتير من اصدقائي المدونين أنهم يخوضوا التجربة ويخشوا الفيلم
:)

koukawy said...

أحمد سمير... اشجعك تشوفوا
******************
فوكسولوجي... بص انا معاطي ما بقتش اثق فيه اوي و خصوصا بعد ما بقي يعك و يخرف احيانا
بس وائل احسان و انا مغمضه عينيا
**********************
سقراط ... انا جيت اههه و لا تزعل بس اليوم اصله ضيق جداااااا
*****************
كاتب مصري ... لا مقارنه مع عندليب الدقي الحقيقه
*********************
ياسر حسين ... بصراحه اه انت واحد و سببب اساسي لتشجيعي و ده لثقتي في رأيك يا فنان

Diyaa' said...

مفيش دماغ أتفرج طبعاً :)
بس شكراً للمعلومة علي الأقل لما ييجي الفيلم في تلفاز ما أو علي النت هبقي أشوفه لو فاضي :)
وكويس إنك اتبسطتي :)