Monday, November 24, 2008

اللي اختشوا ماتوا

مش ممكن يا جماعه علي السفاله اللي البنات و الستات بقوا فيها

امبارح قاعده قدام التليفزيون بتفرج علي احد القنوات الفضائيه

و فجأه لقيت قدامي اعلان اذهلني.... اعلان عن احد الأدويه المقويه (الحبايه الحمراء) مش

دي المشكله عادي ما كذا اعلان اتعمل علي نوعية الأدويه دي

بس الموضوع عمال ينحضر و يتفتح و يتوغل و يتسرب و ينتشر

يعني اعلان الدوا اللي اسمه( سنافي) اللي اتعمل من فتره بتاع الأخت ام قميص نوم كان كارثه

اما بقي اعلان امبارح ده 3 كارثات...و الاعلان بأختصار بدون ذكر الألفاظ

عباره عن 2 ستات قاعدين بيتكلموا و يشتكوا لبعض عن اسرارهم الزوجيه

فواحده بتنصح التانيه ان تخلي جوزها يستعمل هذه الحبايه .... و مش عايزه افسر اكتر من كده يا حضرة البجباشي

لو اتفرجتوا هتعرفوا ان اعلانات (فياجرا) اللي الناس كانت بتقول عليها سافله

ارحم كتييييييييير.... علي الأقل كانت رموز مش الفاظ و علي البحري

حقيقي يا جماعه ........... اللي اختشوا ماتوااااااااااااااااااااااااااااا


سلاممممممممممممممممممممممممم

6 comments:

انا حره said...

انا بصراحه مشوفتش الاعلانات دى لانى مش اد كدا بتفرج عالتليفزيون بس بالصدفه سمعت اعلانات كدا فالراديو للاسف

انا مش عارفه فى ايه الناس بقى معندهاش دم ولا حيا طيب يراعو حتى ان فى اطفال وانسات قاعدين مع اهلهم بيتفرجو عالتليفزيون وفجاه يلاقو حاجات كدا

بيبقى موقف محرج جدا بجد

صبرني يارب said...

ماهو الموضه قلة الادب على فكره
عادي

على فكره بصرف النظر عن ان الاعلان اصلاااااا رخم وسخيف وفاشل

فهما ممكن يعملوا الاعلان ده مثلا فى اوقات متأخره وفى فيلم اصلا يكون مش المفروض الاطفال يتفرجوا عليه


انما تعالوا اضحكوا وشوفوا الهبل بقى

لما فى يوم جمعه ظريف لطيف
او خميس باين مش فاكره

قاعدين بنتفرج على التليفزيون على قناة ام بي سي ثري
اي والله يا اختي كده

كانوا جايبين فيلم كارتون بس من بتاع دزني الى هو الانتاج الكبير زي طرزان وشيرك والحاجات دي

كان فيلم حلو اوي ومدبلج مصري كمان
ولقينا ف النص اعلان من هذه الاعلانات الموقره
طبعا انا وجوزي فتحنا بؤنا وازبهلينا من هول الصدمه

بعد كده اكتشفت ان الام بي سي تو كانت منضمه لثري وبيبثوا نفس الفلم بس واحد مبدلج والتاني لا

والاعلانات بقى بالخطأ طول الفيلم عماله تيجى اعلانات حبوب منشطه وسلك ابيل ومزيل عرق وسويت وهييييييييييييصه

شوفتوا الوكسه البني
؟؟؟؟؟؟؟؟؟

Unknown said...

أنا دايما اسمع عن الاعلانات دي في المدونات

بس ماشفتهمش خالص

كده هبدأ أصدق اني مش بتفرج علي التليفزيون كتير


انا بجد مش عارفه ليه وصلنا للمستوي ده في كل حاجه مش في الاعلانات بس

أُكتب بالرصاص said...

دا الواحد كان وشه بيحمر من أعلان المسمار الازرق ،

ودلوقت حامد رجع جامد
وخلي السلاح صاحي

والله أعلم أعلان الحبة الحمراء دا ايه كمان

هو صحيح... ايه الحبة الحمرا دي كمان ؟

sera26 said...

ان لم تستحى فافعل ما شئت

وائل مصطفى said...

طب حضرتك شوفتى اعلان بيريل الجديد

بتاع شخصيه البنت اخر حاجه تعلق عليها .. استرجل واشرب بيريل

يعنى علق على هدومها ومشيتها وجسمها ... الخ


دى حاله من انعدام الذوق وتدنى اخلاق مجتمع بحاله

ربنا يرحمنا