Wednesday, November 19, 2008

ابن الوز عوام


ابن الوز عوام


طول عمري مش بصدق في المثل ده.... بس الحقيقه اول امبارح قطعت الشك باليقين

يعني لو انا كنت شكه في المثل قيراط بقوا 24 قيراط و ده بسبب الأستاذ

الفنان/ هيثم احمد زكي .... اول امبارح كانت قناة الايه ار تي سينما بتعرض فيلم

البلياتشو ... للأسف ...الحقيقه لم اكن اتوقع ان الفيلم بهذا السؤ، كل ما في الفيلم سئ

و اشكر الفنان العبقري هيثم زكي علي البراعه في الاحتفاظ بنفس طبقة صوته و تعبير وجهه

طول الفيلم ... و علي طول الخط في كل المواقف و المشاهد ... و هو ما يطلق عليه المتخصصين

انه ممثل - مونوتون- لا يتشكل و لا يتلون ، ده غير ان الفيلم لو رسمنا له رسم بياني

هنلاقي الخط بادي من الصفر خلصان عند الميه و هو علي نفس المستوي لا ارتفاع و لا انخفاض

بس انا مع كل اللي فات ده رغم كده انا استفدت استفاده هايله و هي ....

ان ابن احمد زكي .... مش بالضروره خالص يكون عوام



سلاااااااااااااااااااااااااام و ارحمونا بقي


3 comments:

esraa said...

انا ماشوفتش الفيلم
فاكيد ماينفعش أحكم
(:

ياسر حسين said...

بقى لي زمن ما دخلتش مدونتك الجميلة
أوافقك تماما على رأيك في الفيلم
وفي هيثم أحمد زكي
اللي حاول جاهدا يقلد الراحل والده
في طريقة الكلام وتون الصوت وبصة عينيه
أنا شخصيا وانا باشاهد الفيلم كنت بأبحث عن أحمد زكي في أبنه
وأعتقد ده كان دافع كل اللي اتفرجوا ع الفيلم
أنهم يشوفوا أحمد زكي يعود من جديد
:)

خالص تحياتي

لورنس العرب said...

يا كوكو احنا هنا واخدين كل حاجه وراثه
والفيلم اللي بتقولي عليه وحش أكيد هايطلع المنافقين والنقاد -بعد المعلوم اللي هايندفع- وهايتقال ده العبقري ابن العبقري
انا نفسي الناس يتركوا اولادهم على طبيعتهم
مش لازم يبقى الراجل نسخه من ابوه - ممكن يطلع شيء آخر ويبقى ناجح بردو