Wednesday, October 22, 2008

يا رب يتلموا بقي

علي الله بقي بعد الأستاذ اللي اطس 3 سنين سجن -بعد ما مد ايده علي واحده في الشارع- بقيّت الرجاله اللي علي هذه
الشاكله يتلموا بقي و يبطلوا تحرش و شغل هيافه و قلة ادب، و يفهموا ان الدنيا دواره و ربنا ما بيسيبش
و يتقوا الله في امهاتهم و مراتتهم و اخواتهم و يتقوا الله في بنات الناس
و ما يبقوش اذي ماشي في الأرض، و احب اشكر البنت الراجل الجادعه اللي اتسببت في ان المريض ده يتسجن و نخلص من اذيته
و طبعا عدالة المحكمه اللي ادت للموضوع اهميه و جابت للمتضررات حقهم
اتلموا ياللي اسمكوا في البطاقه بس رجاله.....لأن اللي بيحصل ده مش عمايل رجاله
سلأاااااااااااااااااااااااااااااااااااااااااام

10 comments:

Anonymous said...

يارب تكون هزة القضية بداية النهاية المهم ان كل بنت تتعرض لمتل هزة الافعل متسكتش و انا شيفة ان الاقضية دة دفعة قوية لكل البنات
احنا محتاجين بنات رجالة فى الشارع ياسمين

لورنس العرب said...

على الجميع أن يتقي الله يا كوكو
وعلى البنات أن يتقين الله في أنفسهم وفي ملابسهم أولا ثم يتحدثون عن التحرش وغيره
الجميع مخطيء يا كوكو
والكل مشترك في الخطأ

koukawy said...

لورانس العرب.....صدقني ما بقتش تفرق البنات اللي اتحرشوا بيهم في المهندسين و وسط البلد كان فيهم محجبات و بنات محتشمات اللي بيعملكده في الأصل مريض، و بعدين اللي يلاقي واحده لبسها مش عارفه ازاي يتعيذ من الشيطان و يغض بصره مش يرتكب معصيه و كمان يروح في داهيه

يا مراكبي said...

حكم المحكمة ده على قد ما هو شيء رائع لكنه مش حل جذري للمشكلة .. ده مسكن بس .. لأن أساس المشكلة وأسبابها له جوانب تانيه كتير

لورنس العرب said...

لا يا كوكو
كده مش صح
عارفه ليه؟
انتي بتطالبي الشاب بالتحلي بالفضيله فقط وتتركي البنت تلبس ما تشاء
يعني مثلا تطلبي من واحد أن يكون صالح في بيئه فاسده- مع اختلاف المضمون طبعا-
فلكي يكون الانسان صالح لابد له من توافر البيئه الصالحه
وليس من المعقول أن اضح أحدا في بيئه مش تمام ثم أقول له انت مخطيء لأنك لن تتمسك بالفضائل
هذا لا يعني اني موافق على ما حدث
ولكن هناك اسباب أخرى هي التي أدت إلى الوضع المهين ه

koukawy said...

لورانس العرب... انا ماقصدش كده طبعا فيه بنات عليهم غلط كبيييير جدا
انا بتكلم عن اللي بيعاكس او بيتحرش بواحده محترمه نفسها و لبسها و دول كتير و انا واحده من البنات -مش بشكر في نفسي- انما انا راجل اعتبر في مشيتي في لبسي في اسلوبي و بتعرض لحاجات شبهه كده مع اني انا مدتهوش فرصه و لا شجعته ....علي العموم انا مبسوطه اوي بالحوار اللي مفتوح ما بينا و ربنا يديم الزيارات انت مدونتك كمان عجبتني اوي
..............................
المراكبي ... ليك حق بس علي الأقل في ولو ربع اللي بيعملوا كده هيفكروا مره و اتنين قبل ما يفكروا يمدوا ايدهم او يعكسوا

لورنس العرب said...

عارفه
انا كل خوفي من حكم المحكمه ده انه يبقى هوجه لإنتشار القضايا من النوع ده
النظره تبقى تحرش
الكلمه تحرش
يبقى كده البلد كلها هاتدخل السجن
........

Blank-Socrate said...

اختلف مع اللورنس
لان الفضيله تحارب الفساد و الشر
بمعنى اذا كنت انت فى بيئه تساعد و تشجع على الفضيله فأى فضل صنعت انت
و الناس اللى بتعيش فى اماكن منفتحه زى الغرب مينفعش يكونوا فى عفه او طهارة

FREE EGYPT said...

هل تريد من تعرف من وراء اسقاط الطائرة المصرية فوق المحيط؟
هل تريد ان تعرف الجهة وراء محاولة اغتيال حسنى مبارك؟ هل تريد ان تعرف من وراء مقتل سعاد حسنى و أشرف مروان؟ هل تريد معرفة القصة الحقيقية وراء مقتل ضابطة المخابرات الأمريكية فى أحد فنادق القاهرة؟ اذا أردت معرفة كل الأسرار والملابسات الخاصة بكل القضايا السابقة وغيرها من الملفات السرية فتابعنا اسبوعيا لتكتشف كنز من المعلومات الصادمة والغير متاحة الا فى ملفات اجهزة المخابرات

سري للغاية
http://toptop-secret.blogspot.com

3aziz 3eni said...

يا سادة الكرام ان كان الضرب هو عقاب الاانه لا يعالج اصل العله
وان كنا نبحث عن اصلها فهى ببساطة فراغ الدماغ الانسانى من قيمة
ليس من الضرورى ان تخبيء شيء ما لتبعد آخر عن الاقتراب منه او التفكير فيه ولكن عن حشوت عقله بشيء نافع ولم تترك له وقت فراغ غير مستغل فان كان اينشتاين فلن يفلت من السقوط فى اعظم الاخطاء ببساطة الفراغ الدماغى+الفراغ الوقتى الغير مستغل فى عمل مفيد يؤدى الى شباب متسيب مستهتر من الجنسين فان اوجدنا شيء نافع للشباب ليفعله وملائنا عقله بافكار بنائه فهذا هو الحل الامثل والجذرى


اما ان نتطرق للدين والمبادئ فهذا حل مؤقت يزول حسب انفعالات الانسان وقتيا