Wednesday, August 6, 2008

عقدة الخواجه

شيئ بيحز في نفسيتي يضايقني و يخليني احس بالاضطهاد و الظلم، لما اكون
عايشه في بلدي مصر و لا لما اكون عايشه في الأرجنتين-لأ انا لو عايشه
في الأرجنتين مش هيحصل كده- لأ بجد ليه القوانين و اللوائح و الأوامر اللي بتطلع
عندنا في الشركه -و اكيد الكلام ده مش عندنا بس- مش بتتطبق علي الأجانب
زمايلنا زينا زيهم، شئ رخم اوي لما انا مسموحلي بنص ساعه راحه و دقيقه
زياده لأ، و الأجانب لو مخرجوش في وقتهم و لا حد بيتكلم، ليه انا مش مسموحلي
انزل في وسط اليوم من الشركه اشتري حاجه من الأجزخانه مثلا و انا مصدعه و لا تعبانه، و
هما مسموحلهم ينزلوا يشتروا اكلهم بنفسهم و يروحوا ماكدونالدز و سينابون علي كيف كيفهم
و انا لازم استني الأوفيس بوي لحد ما يجي ياخد الطلبات و انا و حظي لو عرف يشتري اللي انا طلباه منه
، يا اما بقي استأذن من رئيس مجلس الاداره
و شغلانه بقي، ليه الأجانب يقبضوا اضعاف اضعاف اللي انا بقبضه و غيري من الزملاء المصريين
و غيره و غيره من التفرقه في المعامله، في حين ان ممكن الموظف المصري يكوناحسن بكتير من الأجنبي
في النهايه انا تفسيري الوحيد للموضوع ده هو .....عقدة الشعر الأصفر و العينين الملونه
و هي ..............عقدة الخواجه
سلاااااااااااااااااااااااااااااام

6 comments:

AHMED SAMIR said...

انا ليا تفسير تاني خالص
وهي لما تبقى حكومتك لا تحترمك ولا توفر ليكي الحد الادنى من الحقوق اللي كل الشعوب المحترمة بتتمتع بيها
يبقى حلال على الشركات الاجنبية او الخاصة انها تعمل اكتر من كدة بكتييييير في المصريين
معلش
قدرك انك مصرية
تحيااااتي

Unknown said...

اقولك لية

عشان الاجانب دول اتولدوا فى بلد

انما احنا اتولدنا فى مصر

ومصر دى عاملة زى علب الصفيح

واكيد اللى محطوط فى علبة صفيح بيفرق

عن اللى متزوق كانة هدية

او حتة الماظ

محمد عبد الغفار said...

قوانين العمل من المفترض ان تكون واحده وغير ذلك ظلم وعقدة خواجة

اما الراتب فعرض وطلب وامكانات والى مش عاجبه ميشتغلش

MONDAHESH said...

الجواب انتي قلتيه في أول كلامك

علشان انتي بس في مصر

وده سبب كافي جدا


ربنا معاكي ومعانا


تحياتي

bastokka طهقانة said...

طيب ما تصبغي شعرك اصفر و تركبي عدسات و انت تاخدي حقك زيهم
هههههه
معلش يا حبيبتي ابتسمي انت في مصر


اوروفوار

أحمد سلامــة said...

اعتقد انها عقدة الافتراء ممزوجة بعقدة الصمت
الافتراء من رب العمل لانه عنده اوبشن دايما انه يقدر يجيب عمالة ارخص
والصمت من المصري المطحون دايما لانه في ثانية بيكون اوت الف غيره هيجو وبراتب اقل