Friday, August 29, 2008

مش كده يا عم الشيخ

امبارح في احدي رحلاتي الميكروباصيه، سمعت عجب العجاب
شريط لأحد الشيوخ و يدعي سعد كذا ، او اسعد كذا... معرفتش اسمع اسمه كويس
المهم الشريط بعنوان.... الفاظ مخالفه للعقيده
الله جميل موضوع شيق و جميل ....قلت اسمع ...مع اني مبحبش الشرايط الديني
بتاعة الميروباصات .... و بدأ الشريط بالطريقه المعتاده اللي اكيد كلكوا عرفينها
عجيب جدا في نوع من افلام الرعب و الاثاره بس معلش المهم المضمون Intro
و بدأ المضمون ...لو اقولكوا ان بين كل مثل و مثل بيضربه عم الشيخ المبجل
في علي الأقل شتيمه.... يا اهبل .... يا عبيط.... ياغبي .....يا...يا... و وابل
من التوبيخ و الشتيمه اللي لا تليق ابدا انها تكون في درس دين
الا ان جاء مثل عن الناس اللي لما ولادهم بيخلعوا سنه بيخلوهم يقفوا و يرموها
في وش الشمس و يقولوا .... و كما قال الشيخ بالظبط....انتوا بتعلموا ولادكم الوثنيه
يا شمس يا شموسه خدي سنه الجاموسه.... جاموسة ايه يا جاموسه!!!!!!!!!!! و طبعا
كانت الصاعقه اني اسمع كميه الشتيمه دي في درس دين
كان نفسي اشوف عم الشيخ و اقولوا ، هل سيادتك متصور انك كده افدت الدين في شئ؟؟؟؟
الدين مش كده يا عم الشيخ ....و ادعوا الي سبيل ربك بالحكمة و الموعظه الحسنه
********************
و اخيرا .....رمضان كريييييييييييييم
اعاده الله علي كل الكميلين و علي كوكو الكميل و كل المسلمين و اللي ناويين يبقوا مسلمين انشالله
بالخير و اليمن و البركات
رجاءا متنسونيش في دعواتكوا في التراويح
رمضاااااااااااااااااان كريييييييييييييييييييييم

7 comments:

يا مراكبي said...

ما هو أي حد جاهل ومن بيئة غير مثقفة لو عرفله كلمتين بيربي دقنه ويعمل فيها خطيب ومفتي

كل إناء ينضح بما فيه

المهم .. مبروك خطوبة أختك .. وكل سنة وإنتم طيبين

bastokka طهقانة said...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

محمد عبد الغفار said...

كل عام وانت له اقرب

مجهول said...

هههههههههههههه

وحشتني مدونة كوكاوي الكميل البريء
عاملة ايه ؟ يارب تكوني بخير وسلامة
دايما
وأعذريني يا كوكاوي لو مكنتش بتواجد كتير هنا , بقالي 8 شهور مش عارف اتلم علي مدونتي ههههههههه

....
مبرووك ومليون مبرووك خطوبة اختك وربنا يبارك فيها ويرزقها
....
كل عام وأنت بخير وكل أحبائك بكل خير وسلامه وربنا يتقبل منا جميعا صالح الأعمال ,, اللهم أدم علينا طاعتك ونعمك

رمضان كريم

koukawy said...

مجهجه.......ربنا يعلم وحشتني قد ايه
بقي عندي كده مناسبتين سعيدتين
هلال رمضان و هلال مجهجه
هههههههه
رمضان كريم

رفقة عمر said...

وحشتينى جدااا
كل سنه وانت بخير وسعادة ورضا
تقبل الله منا ومنكم الصياه والقيام وقراءه القراءن

ياسر حسين said...

أعتقد أني سمعت الشريط ده زمان
هو بصراحة فيه كلام مفيد
لكن التناول فعلا أسلوبه سوقي نوعا ما وده إتجاه اتخذه بعض المشايخ لمخاطبة الطبقات الغير مثقفة لعلهم يستطيعون أن يوصلوا رسالتهم إليهم بلغتهم اليومية
:)

خالص تحياتي