Sunday, July 13, 2008

شئ غرييييييب

كل يوم بنزل الصبح للشغل ما بين الساعه 8 و 8 و ربع
طبعا مش محتاجه اقول انه وقت بدري اوي ....و رغم كده في مروري في السكه
علي قهوه -من المنتشرين في كل
ركن و زقاق و شارع في مصر في المناطق الراقيه و المناطق الشعبيه-
الاقي نص كراسي القهوه مليانه.....شئ غريب ...الساعه 8 الصبح يا عالم
مش عارفه الحقيقه افسر ده بأيه....دي صوره من صور البطاله و العطاله و لا اهو نفسين
شيشه يسلكوا النخاشيش قبل الشغل و القرف ...مش عارفه بس منظر بيدهشني و
يرعبني ...مش عارفه ليه بس كل يوم و انا معديه ببقي متضايقه و خايفه
تفتكروا ليه حق اتضايق ولا لأ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سلااااااااااااااااااااااااااااااااااااام

5 comments:

نعكشة said...

كلاكيت تاني مرة

اختراع فاشل اسمة الشيشة
و اختراع اثبت فشلة مؤخرا اسمة القهوة

اعداد القهاوي انشرت بشكل غريييييب

و دلوقتي بقت بشكل ارقي اسمها كافية
لووووووووول
مفرقتش كتير والله

الشباب اللي مفروض بيشتغل قاعد القهوة
و البنات قاعدين عالقهوة لشيء في نفسهم


اعتقد ان القهوة دية مثلا يقعدو عليها مرة في الاسبوع او مرتين بعد ما يخصلوا اشغالهم
يقابلو صحابهم و يتكلمو ا في شوية مواضييع

انما الوضع دلوقتي غريب

بينبأ بدنونا من الانفجار

ربنا يستر

من حقك تضايقي طبعا
لانه وضع مزري

دمتي بخير

سلامٌ عليكي

محمد عبد الغفار said...

اثرتى دهشتى مرتين
الأولى ان 8:15 بدرى ساعتها بيكون بقالى نص ساعه فى الشغل
والثانية ان نصف كراسى القهوة فقط هو اللى ممتلئ

koukawy said...

غبد الغفار.....يا عيني بدري عن كده انا ببدأ شغل 9 و شايفه انه بدري و خاصة علي اقطاع الخاص
اما بقي بالنسبه لنص القهوه متقلقش المؤشر و البشاير بتقول اننا شويه و مش هنلاقي مكان نمشي من الشارع يعني كل الأوقات هتكون ماتشات ربنا يستر

koukawy said...

نعكشه...انا معترضه معاكي في حلجه واحده هي القهوه لأن انا بحب اشرب قهوه الصراحه
بس في ابيت
ههههههههههههه

نعكشة said...

أنا مش معترضة علي القهوة ذات نفسها مع إن ليها اضرار بس
انا اعتراضي علي القهوة - مكان شرب القهوة-

دمتي سالمة