Monday, January 7, 2008

اضراب فولكس

اولا كل سنه و الاخوه الأقباط بخير
و بالمره كل سنه و احنا طيبين بمناسبة السنه الهجريه و يجعلها ربنا سنه
فل و خير و سعاده انشالله
*****************************
تعرفوا فكرت في حاجه جامده اوي و انا خارجه النهارده رايحه الشغل و شارع الهرم
فاضي و بيبرق و لا لما اكون مشط ماشي في راس واحد اقرع......و الميكروباسات الفولكس البيضه
اللي الكارته بتاعتها المفروض من مشعل للجيزه .....و هما ماشيين بينشوا
و ناقص ينزلوا يبوسوا ايدين الناس اللي واقفه انهم يركبوا للجيزه
طب يعني حسوا علي دموكوا في الأيام العاديه بتتنكوا علي الناس
و تقسموا شارع الهرم اربع محطات عشان تسرقوا و تخدوا ضعف الأجره
و تيجوا يوم الأجازه تبقوا شحاتين و .....و لا بلاش
انما بنقول لمين ......المهم بقي الحاجه المهمه اللي انا فكرت فيها
اننا نعمل اضراب يوم الأجازه الرسميه و اللي ينزل يوم الجمعه
زي حالاتي و ميكونش عنده اجازه او حتي نازل مشوار
اننا منركبش الميكروباصات البيضه و نركب حاجه تانيه
يمكن يحسوا علي دمهم و يحترموا نفسهم
مش عارفه ممكن تجيب نتيجه و لا الناس هي اللي هتبقي خسرانه
مش عارفه رأيكوا ايه؟؟؟؟؟؟؟؟؟؟؟؟؟؟؟؟؟؟؟؟
سلام

19 comments:

يا مراكبي said...

أنا من خبرتي إن الشعب المصري بيعشق مبدأ ياللا نفسي ولا يمكن يتفق على حاجة زي الإضراب ده أبدا .. ما بنعرفش حاجة إسمها العمل الجماعي للأسف

Mohamed A. Ghaffar said...

يوم الأجازه مش هيجيب نتيجه

انما الرفض العام لتصرفاتهم هيجي الف نتيجه

نقطة مية said...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

david santos said...

Happy New Year, Koukawi! And best wishes for a healthy and successful 2008

وينكى said...

كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا

Blank-Socrate said...

koko do u know any thing about Nada?
I miss her

§a§a said...

فعلا انا مع كلام الاخوة للى قالو ان الشعب بيقول يلا نفسى

وكمان فعلا يوم الاجازة مش هيجيب نتيجه

الناس بتاعت الميكروباسات بتاعت الهرم وفيصل دول عاوزين ناطعهم خالص عشان يعرفو ويرجعوا للحق

دا انا بيطلع عينى فى الذهاب للشغل الصبح والعودة اخر النهار للبيت

الميكروباص بيقطع الشارع لخمس ست مرات يوصل لمكان يقولك اجرة تانيه

حسبنا الله ونعم الوكيل

safa7_karmooz said...

مش هلاقى مواصلة تانية ..:(

يعقـوب said...

كل سنة وانتي طيبة.. أمال فين باقي قصص كوكو ؟؟

MONDAHESH said...

بجد انا بشفق علي حال الناس اللي ساكنين في الهرم وفيصل بسبب الميكروباصات دي

بس هم اللي عاملين في نفسهم كده

وهم اللي راضيين بكده

وهم اللي بيخافوا ياخدوا خطوة ايجابية

مش هم بس
ده الشعب كله
انا عن نفسي لما بكون رايح فيصل او الهرم
مابركبش الميكروباصات البيضة دي

وانا كده اول من بدأ الاحتجاج

هو اه الكلام ده بقاله سنة

بس اهي بداية برده

غمض عينيك said...

الله
طب واللي معندهوش فولكس بيضا يعمل ايه

بس عارفة يوم الاجازة كده كده ضايع
الضرب يبقى في وسط الاسبوع


صباحك كميل
محمد سمير

الشنكوتي الكبير said...

بسيطه خالص
مش هاركب الفولكس البيضاء تاني
بس في اليام الزحمه قوي اللي مش اجازه هاركبها وامري لله
اعتبريني معاكم في الحرب اقويه دي
سلاااااااااااااااااام

أُكتب بالرصاص said...

انا عندي اقتراح تاني

اننا نشتري عربيات فولكس بيضا وننافسهم في ارزاقهم

مجهول said...

لو عندي مكروباص حضربك
هههههههههه



اسف اني بقالي سنين تايه عن مدونتك
انتي عارفة كوكاوي غالي عليا ازاي


اختي العزيزة
بلاش ميكروباصات خالص وبلاش تجيبي سيرة الاضراب دي بدل ما فيه ناس تزعل منك
هههههه
تحياتي لك

حـريــة الــفـكــر والابــداع said...

كل سنة والاخوة الاقباط بالف خير
وكل سنة والمسلمين بالف خير
وكل سنة وسواقين الاجرة فى حالهم.
تحياتى

Blank-Socrate said...

ازيك ايه اخبارك
انت فين
ايه الغيبه الطويله دى

mesh2dra said...

السلام عليكم

مرة كنت راكبة في مايكروباس
لقيت واحد قعد يقول احنا السبب واحنا اللي عودناهم على كده

بصي لو اتكلمنا على حكايات الاستغلال
مش حنخلص

لا يوم اجازة ولا غير اجازة
انا قاطعتهم تماما
ببساطة لأني بضطر اركب الف مواصلة
يعني مش ايجابية مني ولا حاجة :d

كل سنة وانتي طيبة
وكل سنة والعشة بخير ومفتوحة ومليانة كتاكيت وطيور
بس ابقي طعميهم

سلاماتي

رفقة عمر said...

كوكو ازيك
اخبارك ايه انت فين طمنينا عليكى

smraa alnil said...

هههههههه ويا تري الفكرة جابت نتيجة ولا لا