Saturday, December 1, 2007

كفايه فوضي بقي


ردا على عدد الدستور بتاع النهارده السبت 1/12، كتب جوزي العزيز المقاله دي
و بعتها علي البريد الاكتروني الخاص بالجريده
بعد ما قرأ النقد اللي مكتوب عن فيلم المخرج الكبير (يوسف شاهين) الأخير
المقاله اللي في الدستور كانت بقلم: ياسمين مجدي
و بعنوان: يوسف شاهين عبقري السينما العربيه
منشور في الصفحه السابعه
***********************************************************************
كفايه فوضي بقي
بقلم: نور




عدد الدستور بتاع النهارده الصفحه السابعه خبر( يوسف شاهين عبقرى السينما العربيه) واضح ان الاخت ياسمين مجدى مشافتش الفيلم اصلا لانى اعتقد لو هيه شافته كان هيبقى رأيها مختلف خالص، لان الفيلم مفيهوش اى حاجه من يوسف شاهين اللهم الا قد يكون اسم الفيلم فقط .. فمخرج فيلم الارض لا يستطيع ان يخرج فيلم بهذا المستوى الوضيع المفتعل ولو حرص على ذلك فهو ابن غير شرعى ينسب له.....انا ارى بشكل شخصى ان الفيلم هو اضعف ما انتجته السينما المصريه من افلام خلال السنوات الاخيره..وعلى الرغم انه يتناول قضيه فى غاية الاهمية الا انه خرج الفيلم تافها ملفقا مهلهلا من حيث النسق الدرامى والتقنى فرأينا مشاهد نهايه الفيلم وثورة الحى على شخصية حاتم تصور بعشوائيه مفرطه وتلفق رغم ضعف مستواها التقنى فرأينا اكتر من مره ان عيون الكومبارس تداعب عدسة الكاميرا وهم فى قمة ثورتهم....والمخرج العالمى خالد يوسف لم نرى منه من العالميه الا الشتائم والعرى.....هل هذه هى العالميه من وجهة نظره ؟احداث الفيلم اغلبها ملفقه ولا تحترم عقلية المشاهد بل على العكس تسخر من رؤية الجمهور للشارع .فبعد الافان تيتر العظيم الذى رأيناه لمشاهد الانتهاكات الحقوقيه من رجال الشرطه فى المظاهرات .....ذهبت القصه الى الشاب وكيل النيابه وخطيبته التى تعيش بلا مبالاه وبتحرر عبيط.....انها سهرة تيلفزيونيه باهته ....بالتوازى مع عشق امين الشرطه لنور جارته الذى يصل الى الحب المرضى وعلى مدار اكثر من ساعه من الملل المتواصل والمشاهد الكوميديه لشخصية حاتم المحشوه حشوا وليس لها اى علاقة بدراما الفيلم وبعد ان نصل الى حاله من النفق والزهق تاتى عقدة الفيلم وهي اكتشاف ان نور تحب شابا وستتزوجه ......بعيدا عن القفزه الفجائيه لعلاقة نور بالشاب وكيل النيابة الذى ترك حبيبته بالامس وفى اليوم التالى رأيناه يذوب عشقا فى نور ..الا انها ايضا سهره تلفيزيونيه باهته من حيث بناءها الدرامى.. فرأينا شبكة العلاقات هذه اكثر من مليون مره....وليس لها اى علاقة بالفوضى ولا بالجموع الغفيره للامن المركزى التى تقمع المتظاهرين التى رأيناها فى بداية الفيلم ...يتطور هذا الصراع الى ذروته بعد ان يغتصب امين الشرطه نور بعد اختطافها فى مشاهد اقل ما توصف به انها ساذجه وتسخر من عقولنا وتحمل فى طياتها دلالات على انهم يقدمون هذا الفيلم لقبائل الزولو بافريقيا... وفى نهاية الفيلم يأتى الحل عن طريق اكثر سذاجه وهو عجوز الافلام الذى يخبر البطل بالحل فيدله على طريق الزنزانه الثانيه بمنتهى الهبل وسط عجز ساذج من الطرف الاخر للصراع وهم رجال الشرطه الفاسدين ...وانا اعطيه مبرر فى ذلك لانه يحاول ان ينهى الفيلم الذى طال ملله باى وسيله ..فهذ المخرج الذى اؤكد على انه ليس يوسف شاهين يسخر من معاناة المصريين ويحاول ان يصنع من نفسه بطلا يحارب الفساد ويطرح قضايا ساخنه فى السينما ويحاول جاهدا ان يوصف بانه مخرج عالمى فيسهب فى مشاهد العري والالفاظ الجارحه التى يتقزز منها جمهور السينما الغير عالمى كما سيصفهم.......فالفوضى فعلا موجوده ولكن داخل عقول هؤلاء المهوسين بأن يكونوا ابطالا على حساب البسطاء من الناس... ولكن احب ان اقول لهم امالكم ستخيب لان الفن الجيد يبقى والباهت يذوب...... يوسف شاهين المهاجر، الارض ،المصير، الناصر صلاح الدين، بابا امين.... مازلنا نذكره حتى الان وهذه المجموعه على سبيل المثال لا الحصر ......الى مذبلة السينما ايها الارزوقيه واتركوا الفن لناسه وارحموا الناس بقى قد تلاحظون فى كلامى حرقه وعصبيه ....اقسم انه ليس تحاملا ...فهذا الفيلم للاسف خيب امالى بشكل كبير لانى انتظرته منذ أن كان خبرا فى الجرائد واتخيله دائما منذ عرفت قصته من الجرائد وبعد ان رأيت التريللر والافيش قلت انه سيقلب مسار السينما العربيه....وفتره انتظار طويله.....ثم الفيلم بهذا المستوى ...لا انسي ان اؤكد براعة الفنان خالد صالح فى الاداء الجميل فعلا والصدق الفنى والفنانتان هاله صدقى وهاله فاخر
واخر كلامى ارجوكم لا تجاملوا على حساب الفن والمجتمع
والسلام عليكم

28 comments:

محمد عبد الغفار said...

الصيت ولا الغنى

اسكندراني اوي said...

العشه نورت
مشفتش الفيلم ومش حشوفه
لاني مش من هواه الافلام
وعموما طالما انهم بيلمو ايرادات يبقى خلاص

دي تاني مره اكتب التعليق وما ينزلش

asfour-elnar said...

اعمال يوسف شاهين عامله زي منحني قمته هي الارض ومن ساعتها و المنحني ده في النازل بس ما انكرش ان الارض اهم افلام السينما المصريه


شكرا علي مرورك , مدونتك كميله و باندم اني ما دخلتهاش من زمان

Blank-Socrate said...

انا مشفتش الفيلم
لكن المهم شفت كوكو الكميل بعد غياب

السـيد شبـل said...

يوسف شاهين .. عبقري رغم انف الجميع


انا بصراحه لسه مادخلتش الفيلم ناوى ادخاه يوم الالخميس وامنى انه ما يطلعش زى ما انتوا كاتبين ولو انى اتضور انه هيطلع فيلم ضعيف...

خمسة فضفضة said...

السلام عليكم ورحمة اله وبركاته

اول مافتحت البلوج لاين ولقيت كوكو الكميل منزل بوست جديد فرحت اوي اوي
وطرت علي هنا علشان اقرا

اول مره اعرف انك متزوجه ، وكمان مش انت بس اللي استاذه في تحليل الافلام لا زوجك كمان ..ماشاء الله نمسك الخشب

ماشفتش الفيلم لسه ، بس حكاية العري والشتائم والاباحه مش جديده يعني علي خالد يوسف ومن قبله يوسف شاهين بغض النظر عن مستوي الافلام هابطه او لأ ، اي فيلم لاي واحد منهم لازم يكون فيه مشاهد مش محترمه ودي سمه رئيسيه مش جديد يعني

اما بقي مستوي الفيلم فاماقدرش احكم عليه قبل ما اشوفه بس بالتحليل ده كده انتوا اديتوني صوره
مبدأيه عن الفيلم ماتبشرش بالخير اطلاقا


----------------
ماتغيبيش علينا تاني وعاوزين نعرف اخبار كوكو

سلااااااااااااااام

يا مراكبي said...

واضح إن العائلة كلها محترفة النقد الفني .. أنا هأحتفظ بالرأي ده مؤقتا لحد ما أشوف الفيلم بنفسي وأتأكد

هأشوفه إمتى؟ الله أعلم

بس كده كوكو لسة مختفية برضه

هنا القاهرة said...

الفيلم لم اشاهده ولكن الاجمل مرورك الجميل بمدونتى ... اشكرك تعالوا زورونا

Anonymous said...

ممتاز

البنت الشلبية said...

صدقى اول مرة اعرف انك متجوزة!!
كنت بحس من كتاباتك انك فى اثنوية عامة مثلا
متغيبيش عنا كتير

======
مشوفتش الفيلم...مش من هواة السينما ولو روحت اتفرج على فيلم هتفرج على فيلم اجنبى عشان حرام اضيع فلوسى على هراء عربى

wagdy El-Komy said...

شكرا على عرض الفيلم وهنحاول نشوفه قبل ترك أى تعليق

شــــمـس الديـن said...

اقول لك ايه

احنا في زمن الاحطاط في كل شئ
انا فعلا كل شئ عندي لاسف فقد مصداقيتة

مش عارفة
الناس دي اساسا معندهومش منظومة قيم حقيقية و ثابتة علشان نتوقع منهم انهم يقدموا شئ كويس ...

اي نعم فيه حاجات كويسة بس انا بقول ان الانسان واحدة واحدة يعني مش منطقي اني اجمع المتناقضاد في وقت واحد ...

كل اللي اقدر اقولة " عجبي "

Yasser Hussein said...

المركب اللي ليها ريسين تغرق
وفيلم يخرجه أثنين واحد له تاريخ وعايش عليه
والتاني عايش على تاريخه كمساعد الأولاني
النتيجة أكيد مركب غرقانة
:)
خالص تحياتي

Ehab said...

يا سلام
وجوزك كتب الكلام ده كله
اولا يا بخته شاف الفيلم
انا بقى لسه مش شفته وبالتالي مش عارف اذا كنت هاوافقه ولا لأ
لكن عامة انا كالعاده في بلدنا لما بنستخدم مشاهد العري بكون متوقع ان الفيلم ضعيف جدا
لأننا للأسف بنتحجج بالغرب انهم بيوظفوا العري ومع ذلك بنحطه لمجرد جذب الجمهور فقط
مع ان في افلام عالميه فعلا وفيها مشاهد عري لكن تحفه
وبيكون ليها هدف

الغريب بقى ان الفيلم الوحيد اللي كانت مشاهده ليها هدف في رأيي الشخصي قطعوها

فيلم سهر الليالي
وعموما مش جديد على السينما المصريه انها تقدم كل رخيص وواطي

تحياتي للناقد جوزك
سلاااااااااااااااااااااااااام

كراكيب عادل said...

لسة مشوفتش الفيلم

ازي هحكم بس

بس خلاص راي كوكو يمشي كفاية فوضي

mesh2dra said...

السلام عليكم

مشفتش الفيلم
ومش حشوفه
لا بحب السينما ولا التليفزيون

شكله اصلا فيه سخافات وعرى
بقى كوكتيل طبيعي لاى فيلم

SomeOne said...

أنا بصراحة من ساعة ما شوفت اعلان الفيلم ده ومش راضي ادخله لان قلبي مش مستريحلة خالص

boshra mohamed said...

ازيك ياكوكو وبلغى سلامى لنور
الفيلم اكيد فنياً فيه مشاكل كتير اوى
بس لما يقول ان ده اسؤا فيلم انتجته السينما المصرية منذ سنوات فديه مبالغة كبيرة وبتهضم حق الحاجات الحلوة اللى فى الفيلم
عموما انا كتبت رؤيتى التفصيلية للفيلم فى المدونة لو حابة او حابب تشوفوها
سلامى للجميع

koukawy said...

محمد عبد الغفار...علي رأيك
*******************************
اسكندراني اوي............ علي فكره انا نزلت التعليق بتاعك علي البوست التاني مش عارفه ازاي انت بتقول انه منزلش مش عارفه خش تاني و اكيد هتلاقيه انشالله
***********************************
عصفور النار...... ميرسي علي ذوقك
بس هو فعلا يوسف شاهين ليه افلام حلوه
بس هو خلاص مفيش بقي و كل حاجه في ايد اللي ما يتسمي مخرج العري
****************************
سقراط.....اكيد كوكو احلي من الفيلم ههههههههه
**************************
السيد شبل ....محدش قال انه مش عبقري بس كل عبقري ليه عمر افتراضي
***************************
خمسه فضفضه....شفتي بقي كوكو طلع متجوز من كوكو تاني كميل برضو
بصي ميضرش انك تشوفي الفيلم برضو
و اهو يبقي عندنا صورتين نقدياتين مختلفين
*****************************
يا مراكبي..........نور هو اللي معلمني يا مراكبي الحقيقه
هو كوكو في الطريق للرجوع ادعوله ربنا يسهله
********************************
مني سعيد....انشالله علي طول
*****************************
الغير معروف.............شكرا
*************************
البنت الشلابيه.....لأ انا مش ثانويه اوي انا اعداديه بس
تصوري فعلا انا بفكر كده برضو
*****************************
وجدي الكومي.........بس هنستني تعليق لما تشوف
**************************
شمس الدين.....اه و السينما مرأة المجتمع كله بيهبط مع بعضه
*******************************
ياسر حسين..... احسنت القول يا فنان
****************************
الشنكوتي الكبير.... بص انا من رأي ان حتي المشاهد اللي بتتوظف بيبقي ليها حلول اخري ممكن تتعمل من غير عري و قرف
*******************************
كراكيب عادل.....ايوه صح رأي كوكو الجوز يمشي طبعا
انت عايزني اضرب و لا ايه
هههههههههههههههههه
عبد العزيز عامل ايه؟؟؟
*********************
مش قادره.....مش اي فيلم اوي في فلاتات كويسه
*******************************
شادي فايد....قلبك دليلك يا شادي
***************************
بحب السيما..............اوعدك اخش اقراه

غمض عينيك said...

بس انا عايز اشوفه
:(

Amr Ahmed said...

انا لسه مشوفتش الفيلم بصراحة

هاشوف واعلق

كراكيب عادل said...

عبد العزيز كويس وجالة اخ صغنون مولود جديد يعني ملهي معاه

التفاصيل في المدونة

شكرا لسؤالك يا كوكو

بس اية الغياب دة كلة فين باقي مغامرات كوكو الكميل

Amira Hassan said...

الفيلم الصراحة عجبني اوي

بيتنا القديم said...

جيت اقولك كل سنة وانت طيبة
ويارب يارب تكوني بخير وسعادة
لا تنس فقيراً او يتيماً او محتاجاً في هذا العيد..
لا تنس ان تبادري بالصلح مع من تخاصمين
لا تنس قريب او قريبة بزيارة في العيد
لا تنس كف مرفوع ولسان يستغفر وعين تدمع..مع الله في هذا العيد
تك كير
(:

Unknown said...

kol sana wenti tyiba , ana mosh 7a3ala2 3ala il maqal 3ashan ana mashoftish il film lisa , bas 7abit a 2ol 3id sa3iiid

محروس said...

انا سعيد بزيارتك لمدوني

elgharep said...

الرأى ده سمعته من واحد صحبى بأثق فى أرائه أن الفيلم سطحى للغاية مع أنه بيتكلم عن موضوعات غاية فى الحساسية
وده يثبت أن المضمون لوحد مش كفاية وأن الورق أهم حاجة فى العمل الفنى
الغريب

david santos said...

I wish you a good end of 2007 and a good year of 2008.