Friday, November 16, 2007

نداء للقلوب الرحيمه

ازيكوا عاملين ايه كلكوا؟؟
بقالي كتير مش بكتب و لا برغي معاكوا زي زمان
و السبب هو مرور كوكو الكميل بظروف نفسيه و اجتماعيه صعبه اوي
خلت كوكو يسيبني ويهرب و طبعا انا من غيره مسواش
فأنا دلوقتي بكتب نداء للقلوب الرحيمه
اللي يشوف كوكو كميل اصفر و صغنن و لابس ظعبوط و فردة بوت
تايه من قبل رمضان يتصل بيا في العشه
عشان اجي اخده و يرجعلي تاني بنشاطه المعهود
ادعولي و اعوا لكوكو انه يرجع لقواعده سالما

25 comments:

اسكندراني اوي said...

اعتقد انك انتي اقدر واحده انك تلاقيه

دوري عليه في دماغك بالتاكيد حتلاقيه

يعقــــوب .... said...

محدش هيرجعلك كوكو إلا إنتي

بيتنا القديم said...

هلت ليالي حلوه وهانيه...
كوكوات رايحة وكوكوات جايه...
حمدالله عاسلامة..يا الف نهار ابيض يا الف نهار حمصي..!!
بالنسبة للكوكو ان شاء الله هتلاقيه اصل ده زي الجنيه الدهب مش ممكن يضيع..!!
جمدي قلبك..وداومي الترقب من المشربيه واخطفي رجلك لحد القهوة ممكن يكون هناك..!!
(:
تك كير

The Groom said...


كوكاوي

ألف سلامة عليكي ويا رب تكوني بخير

جيت أسلم بي وربنا يحفظك

تحياتي من ماناساس البلد

adhm said...

تعلن جمعية فراخ بلا حدود عن مسؤليتها عن اختفاء المدعو كوكو الكميل وانة لن يتم الافراج عنة الا بعد التعهد بعدم الانقطاع عن الكلام والصوصوة
معا من اجل عالم مريش
كتائب الراقدون فى الارض

mohmmed said...

كل سنة وانت طبيب يكوكو

Blank-Socrate said...

كوكو الكميل
كوكو نتاج افكار و مشاعر
لما انت تهدى و تركزى
و تقعدى مع نفسك
هتلاقى كوكو
اى كان الضغط اللى عليك انت اقوى

Anonymous said...

احتمال يكون كبر و بقى فرخه و حد ميل دماغها و لا ديك و عينه زاغت و خرج و لم يعد ماهو مفيش حاجه بتفضل على حالها التغير سنه الحياة بس يا ريت يكون دائما للاحسن

Mohamed A. Ghaffar said...

دور عليك تلقاه يلى عينيك شفاه وبردو بتدور

جمعك الله على ضالتك

Emre Belözoğlu said...

ربنا يرجعك بالسلامة يا كوكو ..

§a§a said...

حمد لله على السلامه يا كوكى

وان شاء الله تلاقيه قرييب

MONDAHESH said...

دوري كويس هتلاقيه

شادي فايد said...

حلق يا جدع
كوكو الكميل أهو
:)

The Groom said...


ربنا يرجعك بالسلامة يا رب

لا تنسي الدعاء كثيرا

تحياتي من ماناساس البلد

السيد شبل said...

هاى كوكى...... مدونتك شديدة.......
بيعجبنى انا الأفكار المطرقعه دى.....
على فكرة انا لسه عارف حوار المدونات ده جديد بس عاجبنى طحن
وبعد ما كنت بكتب ف حبة جرايد واقعة بنت ستين.......
لقيت مكان محترم اعبر فيه عن افكارى...
انا مستنيك تدحل على مدونتى وتقللى رايك.....
على فكرة هى اسمها مطرقع برضه اسمها
بلا اسم
تصور.........
بلا اسم
مستنيك تشوف الدونة وهتلاقيلك لينك عندى
تمام يا معلم

السيد شبل said...

كوكو........... مش كوكى
انا اسف

السيد شبل said...

انا بجد اسف والله والله اسف
انت بنت مش ولد
كوكو بنت --انا عارف ان انا ف الحاجات دى
"...."
سورى بجد

السيد شبل said...

اجمد مدونة فالعالم.........................
"""""""""""""""" بلا اسم """""""""
انا فى انتظاركم
سيد شبل

Rozza!.......فاقد الذاكرة said...

نشرت اعلان بالجريدة على كوكو فيا رب يرجع
بلوج جميل جدا

غمض عينيك said...

ربنا يرجع كوكو بالسلامة لعشته عشان وحشنا خالص

رفقة عمر said...

اخبارك ايه حمدا لله على سلامتك
الحمد لله انك بخير واكيد كوكو هايرجعلك تانى بس لما يتاكدت انك رجعتى لطبيعتك تانى

A.SAMIR said...

يااااااااااه
دة انا لسة شايفه من يومين قاعد في محطة القطر بياكل سندوتش كبدة
بس ماكنتش عارف انك بتدوري عليه
يرجع ليكي بالسلامة
باي

مروة جمعة said...

عووووووودي يا هاااميس !..أقصد عد يا كوكو
كوكو يمكن عايز يرتاح شوية :) ..على فكرة من اول ما جدخلت مدونتك وانا حبيتها ..فحرام يعني تحرمينا من كوكو


على فكرة حاولي ترجعيه :) هيسمع الكلام استجابة للجماهير :)ا

الشنكوتي الكبير said...

حمد الله على سلامة كوكو

نورتيني واسعدتيني بتعليقاتك عندي

وانشاء الله هارد عليهم كلهم

سلاااااااااااااااااااام

Tarek said...

إنتي تعملى حملة و بانر على المدونات