Tuesday, May 12, 2009

احاسيس جديده و متناقضه

بدأت من حوالي اسبوعين الشعور بأحاسيس متناقضه متضاربه
لم اشعر بها من قبل، شعور غريب جدا احساسي بكائن اّخر يتحرك
في احشائي شعور في اوله يخض الي ان اعتدت عليه
حتي بدأ فضولي و رغبتي في معرفه هو الكائن لما بيتحرك بيكون بيعمل ايه؟؟؟
يا تري بيهرش، بيعطس، بيتقلب عشان جنبه اليمين نمل
و من احاسيسي الي هتموتني هو شعوري بأني هفشل في التعامل مع هذا الكائن
الصغنن الكميل لما يجي كمان 3 شهور علي وش الدنيا
احساسي اني مش هفهم هو بيعيط ليه؟؟؟
و لا امتي اغيرله و لا ازاي هغيرله، امتي بردان امتي فرحان
ممكن مثلا تروح علي نومه و مسمعش لما يعيط
ممكن لخبطتي ديه تخليني خيبه و معرفش احافظ عليه؟؟؟
طب يا تري انا القراّن اللي بقراه كتير بصوت عالي و بسمعه اكتر من الأول عشان يوصله
يا تري فعلا بيسمعه؟؟؟؟؟؟؟؟؟؟؟
طب هقدمله في مدرسة ايه؟؟؟؟
طب هياخد دروس و لا لأ؟؟؟؟؟؟؟؟
طب......طب....طب
الخ الخ الخ من التساؤلات اللي شغلالي مخي بدري و من غير داعي و انا عارفه كده
و برضو غصب عني دماغي مش مريحاني
شكلي صدعتكوا
سلاااااااااااااااااااااااااااااااام

19 comments:

يا مراكبي said...

معلش .. الأحاسيس والمخاوف دي بس عشان أول طفل .. لكن مع الطفل الخامس إن شاء الله هتكوني بقيتي خبرة ومش هتجيلك الأحاسيس دي تاني

Blank-Socrate said...

كوكو حمدالله على السلامه يا اجمل و اطيب ام فى الدنيا
متقلقيش هتعرفى كل حاجه بالفطرة :)
الموضوع سهل عاوز حب و حكمه و الاتنين موجودين عندك
طمنينا عليكى معرفناش النونو ايه
و لد و لا بنت
ممكن المرة دى بنت و لو عاوزين ولد نخليها المراااااات الجايه :)

koukawy said...

يا مراكبي..... الخامسسسسسسسسسسسسسسسس
طب عندك استعداد تبقي تتبناهم مني
هههههههههه
........................
سقراط..... يا مينا شكلك حدسك كده صح بس مش متأكده اوي

nudy said...

اعتقد ان هذه التساؤلات طبيعية جدا وتدل علي انك ح تكوني ام جميلة وحتحبيه جدا وكمان حتربيه كويس وح تفهميه وتحسيه كمان ومتخافيش كل حاجة ح تيحي بوقتها وربنا يخلي النونو الجميل ويوصل بالف مليون سلامة ان شاء الله

V.Hayat said...

مشكلة العرب عموما وليس المصريين انهم بياخدوا كل شئ بالفطرة
هل تعلمين ان هناك كورس للتعامل مع الطفل عند الولادة للام وللاب لكل شئ من الاكل حتى النوم والاستحمام وتغيير الملابس وخلافه
وان هناك كورس لمساعدتك عند الوضع وتمارين للمساعدة عن الولادةوكيفية مساعدة الاب للام ولكن من يسمع
فى الغرب وبعض الدول العربية لا يتركون شئ للصدفة
بس نحن العرب كل شئ بالفطرة متى نفيق من هذه الغيبوبة الفطرة

تحياتى

حزينه said...

الله
ده احلى احساس فى الدنيا
انا واثقه انك حتكونى احلى ام فى الدنيا
يتربى فى عزك

حزينه

Blank-Socrate said...

ايه يا كوكو
طمنينا عليكى اى حاجه كدا سريعه :)

Blank-Socrate said...

عزيزتى كوكو
ربنا يكمل ليك على خير
طمنيناعليكى

-_- said...

ما شاء الله تبارك الله

bastokka طهقانة said...

ما شاء الله
الف مبروك يا قمر
حاجة جميلة جدا و شعور رائع يا رب ينوله لكل اللي عايز

مبروك يا مامي

بيتنا القديم said...

الف مبروك..!

سندباد مصري said...

ربنا يباركلك فية

Unknown said...

هو المفروض بيتقال ايه ؟؟

الف مبروك
مثلا!!

Blank-Socrate said...

Kokoooooooooo :) miss u
welcome back in advance

اقصوصه said...

رمضان كريم :)

model said...

مبروك الف الف مبروك
بقه عنده كام سنة الان

و اين انت لما لا تكتبين مرة اخرى
جميلة بوستاتك
عودي للكتابة

موديل

koukou el kemil said...

ana git

koukou el kemil said...

hey hey

koukou el kemil said...

hshss