اضراب فولكس
اولا كل سنه و الاخوه الأقباط بخير
و بالمره كل سنه و احنا طيبين بمناسبة السنه الهجريه و يجعلها ربنا سنه
فل و خير و سعاده انشالله
*****************************
تعرفوا فكرت في حاجه جامده اوي و انا خارجه النهارده رايحه الشغل و شارع الهرم
فاضي و بيبرق و لا لما اكون مشط ماشي في راس واحد اقرع......و الميكروباسات الفولكس البيضه
اللي الكارته بتاعتها المفروض من مشعل للجيزه .....و هما ماشيين بينشوا
و ناقص ينزلوا يبوسوا ايدين الناس اللي واقفه انهم يركبوا للجيزه
طب يعني حسوا علي دموكوا في الأيام العاديه بتتنكوا علي الناس
و تقسموا شارع الهرم اربع محطات عشان تسرقوا و تخدوا ضعف الأجره
و تيجوا يوم الأجازه تبقوا شحاتين و .....و لا بلاش
انما بنقول لمين ......المهم بقي الحاجه المهمه اللي انا فكرت فيها
اننا نعمل اضراب يوم الأجازه الرسميه و اللي ينزل يوم الجمعه
زي حالاتي و ميكونش عنده اجازه او حتي نازل مشوار
اننا منركبش الميكروباصات البيضه و نركب حاجه تانيه
يمكن يحسوا علي دمهم و يحترموا نفسهم
مش عارفه ممكن تجيب نتيجه و لا الناس هي اللي هتبقي خسرانه
مش عارفه رأيكوا ايه؟؟؟؟؟؟؟؟؟؟؟؟؟؟؟؟؟؟؟؟
سلام
19 comments:
أنا من خبرتي إن الشعب المصري بيعشق مبدأ ياللا نفسي ولا يمكن يتفق على حاجة زي الإضراب ده أبدا .. ما بنعرفش حاجة إسمها العمل الجماعي للأسف
يوم الأجازه مش هيجيب نتيجه
انما الرفض العام لتصرفاتهم هيجي الف نتيجه
عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم
Happy New Year, Koukawi! And best wishes for a healthy and successful 2008
كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا
koko do u know any thing about Nada?
I miss her
فعلا انا مع كلام الاخوة للى قالو ان الشعب بيقول يلا نفسى
وكمان فعلا يوم الاجازة مش هيجيب نتيجه
الناس بتاعت الميكروباسات بتاعت الهرم وفيصل دول عاوزين ناطعهم خالص عشان يعرفو ويرجعوا للحق
دا انا بيطلع عينى فى الذهاب للشغل الصبح والعودة اخر النهار للبيت
الميكروباص بيقطع الشارع لخمس ست مرات يوصل لمكان يقولك اجرة تانيه
حسبنا الله ونعم الوكيل
مش هلاقى مواصلة تانية ..:(
كل سنة وانتي طيبة.. أمال فين باقي قصص كوكو ؟؟
بجد انا بشفق علي حال الناس اللي ساكنين في الهرم وفيصل بسبب الميكروباصات دي
بس هم اللي عاملين في نفسهم كده
وهم اللي راضيين بكده
وهم اللي بيخافوا ياخدوا خطوة ايجابية
مش هم بس
ده الشعب كله
انا عن نفسي لما بكون رايح فيصل او الهرم
مابركبش الميكروباصات البيضة دي
وانا كده اول من بدأ الاحتجاج
هو اه الكلام ده بقاله سنة
بس اهي بداية برده
الله
طب واللي معندهوش فولكس بيضا يعمل ايه
بس عارفة يوم الاجازة كده كده ضايع
الضرب يبقى في وسط الاسبوع
صباحك كميل
محمد سمير
بسيطه خالص
مش هاركب الفولكس البيضاء تاني
بس في اليام الزحمه قوي اللي مش اجازه هاركبها وامري لله
اعتبريني معاكم في الحرب اقويه دي
سلاااااااااااااااااام
انا عندي اقتراح تاني
اننا نشتري عربيات فولكس بيضا وننافسهم في ارزاقهم
لو عندي مكروباص حضربك
هههههههههه
اسف اني بقالي سنين تايه عن مدونتك
انتي عارفة كوكاوي غالي عليا ازاي
اختي العزيزة
بلاش ميكروباصات خالص وبلاش تجيبي سيرة الاضراب دي بدل ما فيه ناس تزعل منك
هههههه
تحياتي لك
كل سنة والاخوة الاقباط بالف خير
وكل سنة والمسلمين بالف خير
وكل سنة وسواقين الاجرة فى حالهم.
تحياتى
ازيك ايه اخبارك
انت فين
ايه الغيبه الطويله دى
السلام عليكم
مرة كنت راكبة في مايكروباس
لقيت واحد قعد يقول احنا السبب واحنا اللي عودناهم على كده
بصي لو اتكلمنا على حكايات الاستغلال
مش حنخلص
لا يوم اجازة ولا غير اجازة
انا قاطعتهم تماما
ببساطة لأني بضطر اركب الف مواصلة
يعني مش ايجابية مني ولا حاجة :d
كل سنة وانتي طيبة
وكل سنة والعشة بخير ومفتوحة ومليانة كتاكيت وطيور
بس ابقي طعميهم
سلاماتي
كوكو ازيك
اخبارك ايه انت فين طمنينا عليكى
هههههههه ويا تري الفكرة جابت نتيجة ولا لا
Post a Comment