حدوتة زمان منين ؟
نتيجه الاستفتاء المره دي و اللي كان بيتكلم عن حواديت زمان و مين اللي كان
بيحكيهالنا كانت بالشكل ده
بيحكيهالنا كانت بالشكل ده
من ناتج 37 صوت كانت النتيجه
| مامتك 18 | 49% |  |
| باباك 6 | 16% |  |
| تيته 7 | 19% |  |
| جدو 2 | 5% |  |
| اخواتك الكبار 1 | 3% |  |
| OTHER 3 | 8% |  |
احب اعرف بقي ايه نوعية الحواديت اللي كانت بتتحكلكوا؟؟
و اللي جاوب بالجواب الأخير احب اعرف مين كان بيحكيله حكايات غير الناس اللي انا كتبتهم ؟؟
و شدوا حيلكوا في الاستفتاء الجديد عن افلام الصيف
سلام
7 comments:
امنا الغولة
وست الحسن والجمال والشاطر حسن
هههههههههههههههههههههههههههههههههههههه
عن جمال ايام زمان
كوكي العزيز جدا
انا رجعت تاني ومش حيفيد اعذار بقا بس انتي قلتي بنفسك فترة ركود وسوق التدوين واقف عطلان
يمكن علشان الجو حر
...
اتمني تكوني بخير وسعادة وانشاء الله حرجع اواظب علي التعليقات تاني لكل اصدقائي الكميلين
دمتي بخير وتحياتي
......
ماما هيا الى كانت بتحكيلى انا
واخواتى الحواديت قبل ما ننام
المهم انها كانت بتنام قبل ما الحدوتة تخلص واحنا لسة مفنجلين وبنتخيل الحدوتة وانا لسه فاكرة حواديتها كلها
من اشهر حواديتها
الشاطر حسن وامنا الغولة
على بابا والاربعين حرامى
طائر الرخ
وكلها احسن من بعض
تخيلى انى فتحتى نفسى على حدوتة انا هقول لماما ترجع تحكيلى حواديت تانى
سلام يا جميلة
ماما..وكانت بتحكي حاجات من عينة الارنب والجزر والمعزة والتعلب الخ الخ!!
انا بقي كنت بحكى لاحمد قصص من تأليفي..قصص كوميدية..كنت مألفاله حاجة اسمها حكايات الموسيقار..كان موسيقى غلبان كده وبيعزف عود ولابس بدلة منشية قديمة ودايما يتضرب في الحفلات وحماته ومراته وجيرانه بيضربوه..واحمد كان بيهلك من الضحك..وكان يا عيني يعد يتحايل عليا احكيله
ياااه..ايام
بندحرج التماسي بس
:) تحياتي لك من ماناساس البلد
أنا أغلب الحواديت اللي عرفتها كانت عن طريق القراءة .. وهو ده كان المصدر الأهم في حياتي
بدأت قراءة وأنا صغير جدا .. وطبعا بدأت بحاجات بسيطة وبعدين كبرت كل ما كنت بأكبر في العمر
أهم الحاجات اللي قريتها هي كل الحكم والمواعظ الرئيسية اللي موجودة في أغلب الحكايات بالإضافة إلى كل الكلاسيكيات العاملية المشهورة لأدب الأطفال
ده غير الألغاز والحاجات اللي زي غراندايزر وخلافه
لما يبقى فيه غستفتاء إبقي صفريللي .. بحب الحاجات دي قوي
Post a Comment